2019-06-14 15:59:31, 1021 ნახვა
რეგიონი
სამთო იალაღებზე შიდა ელექტროგადამცემი ქსელის მოწყობა მიმდინარეობს
შუახევის სამთო იალაღებზე შიდა ელექტროგადამცემი ქსელის მოწყობითი სამუშაოები მიმდინარეობს.
ელექტროგადამცემი ქსელი მოეწყობა:
ყავრიანის, კერჩხიანის, გრძელგორის, ნაყორვალას, ნაფოცხვარას, ხარიათაღის, მთაპატარას, შუაიეილას, ჯვარიმინდორის და ტყისველას სამთო იალაღებზე.
აღნიშნულ მთებში ცენტრალური ელექტროგადამცემი ხაზის მიყვანა გასულ წელს დასრულდა, შიდა დაქსელვითი სამუშაოები პროექტის მეორე ნაწილია.
სამუშაოებს შპს ,, ქსელშენი“ აწარმოებს. პროექტის სახელშეკრულებო ღირებულებაა 1 240 000 ლარი.
პროექტი 2 წლიანია და სამუშაოები ხელშეკრულებით გათვალისწინებულ ვადებში 2020 წლის სექტემბერში უნდა დასრულდეს.
სამთო იალაღების ელექტროფიკაციის პროცესი მომავალშიც გაგრძელდება და მუნიციპალიტეტის ყველა მთას მოიცავს.
(NS)
ავტორი: ექსპრესნიუსი,
epn.ge (@expressnews.ge)
