„პირველი ტურის დროს, მოგახსენეთ მე, რომ ველოდებოდით მეორე ტურს, თუმცა იქვე ავღნიშნე, რომ ყველა არჩევნებში „ქართული ოცნება“ დიდი უპირიატესობით გაიმარჯვებს“, - ამის შესახებ პარტია „ქართული ოცნება - დემოკრატიული საქართველოს“ თავმჯდომარე, ბიძინა ივანიშვილმა, საარჩევნო უბანზე ხმის მიცემის შემდეგ, ჟურნალისტებს განუცხადა.

როგორც პარტიის ლიდერმა აღნიშნა, პირველი ტური მძაფრი კონკურენციის პირობებში, თუმცა ევროპული სტანდარტით ჩატარდა, რაშიც წვლილი ორივე ოპონენტ მხარეს მიუძღვის.

„წინა ჯერზე, პირველი ტურის დროს, მოგახსენეთ მე, რომ ველოდებოდით მეორე ტურს, თუმცა იქვე ავღნიშნე, რომ ყველა არჩევნებში „ქართული ოცნება“ დიდი უპირიატესობით გაიმარჯვებს რაც ვნახეთ კიდევ და დღეს ბოლო არჩევანსაც ნახავთ, რომ „ქართული ოცნების“ კანდიდატი ისევ დიდი უპირატესობით გაიმარჯვებს და შეიძლება გავუსვა ხაზი დამატებით მეორე ტური მთაწმინდაზე დემოკრატიულობის მაჩვენებელია, ეს კარგია, იცით, რომ ევროპელებს ძალიან მოსწონთ მეორე ტური. ძალიან არ უყვართ, როდესაც დიდი უპირატესობით იგებს ერთი კანდიდატი, მთაწმინდა ამ მხრივ, შეიძლება იყოს კარგი მაჩვენებელი, ამავდროულად ხაზგასასმელია ისიც, რომ თუ აკვირდებოდით წინა არჩევნებს, საკმაოდ კულტურულად ჩატარდა და შეიძლება ითქვას, რომ ევროპული არჩევნები იყო, ამაში წვლილი აქვს ორივე მხარეს. ოპონირება იყო ძალიან მძაფრი, მაგრამ ყველაფერი მიდიოდა კულტურულად. ასე თანდათანობით ჩვენ უნდა განვითარდეთ და გავხდეთ ევროპელები“, - განაცხადა ბიძინა ივანიშვილმა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

თიბისი კაპიტალმა მაკროეკონომიკური განახლება გამოაქვეყნა

სუხიშვილების ღია სცენა თაკარა ახალი პროგრამით ბრუნდება, ღონისძიებების მხარდამჭერია SOLO (რ)

STEM განათლება მთელი საქართველოსთვის - BOG-ისა და კომაროვის ერთობლივი პროექტი

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას