„19 მაისს, წინასაარჩევნო პერიოდში ვიხილეთ საერთოდ უპრეცედენტო ზეწოლა და კომისიის საქმიანობაში უხეში ჩარევა“, - ამის შესახებ ცენტრალური საარჩევნო კომისიის თავმჯდომარე, თამარ ჟვანიამ პარლამენტში, პლენარული სხდომის დროს სიტყვით გამოსვლისას განაცხადა.

როგორც ცესკო-ს თავმჯდომარემ აღნიშნა, პარლამენტია, სწორედ ის ადგილი, სადაც უნდა მიდიოდეს მსჯელობა აღნიშნულ საკითხებზე.

„მე მინდა ავღნიშნო ერთი ძალიან მნიშვნელოვანი რამ, რომელიც შეეხება წინა საარჩევნო პერიოდს. ჩვენ 2019 წლის 19 მაისს, წინასაარჩევნო პერიოდში ვიხილეთ საერთოდ უპრეცედენტო ზეწოლა და კომისიის საქმიანობაში უხეში ჩარევა და მე ვფიქრობ, რომ პარლამენტი არის ზუსტად ის ადგილი, სადაც ამ საკითხებზე უნდა მიდიოდეს მსჯელობა, როდესაც კომისიის საქმიანობას ეშლებოდა ხელი და მის საქმიანობაში ხდებოდა უხეში ჩარევა. მე მინდა დიდი მადლობა მოვუხადო თითოეულ ადმინისტრატორს, საარჩევნო მოხელეს, რომელმაც შეძლო და თავისი შრომით ძალიან კარგად ჩაატარა ეს არჩევნები, ასევე ჩემი დიდი პატივისცემა იმ ადგილობრივ დამკვირვებელ ორგანიზაციებს, რომლებმაც ცხადად აღნიშნეს, რომ ყველა ის ცრუ ინფორმაცია, ცრუ ბრალდება, უარგუმენტო, აბსოლუტურად დაუსაბუთებელი ბრალდება და სიცრუე, რომელსაც მედიის მხარდაჭერა ჰქონდა დამოუკიდებელმა სადამკვირვებელმა ორგანიზაციამ, ცხადად და მკაფოდ დააფიქსირა, რომ წინასაარჩევნო პერიოდში, არცერთ ნაწილში საარჩევნო ადმინისტრაციას არ ჰქონდა არანაირი კანონდარღვევა“, - აღნიშნა თამარ ჟვანიამ.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

მაკა ბოჭორიშვილი მარკო რუბიოს მიწვევით ვაშინგტონში მინისტერიალში მიიღებს მონაწილეობას

პირს, რომელიც გორში დედა-შვილს დაეჯახა, პატიმრობა შეეფარდა

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს