ევროპარლამენტის არჩევნებზე, რომელიც 23-26 მაისს გაიმართა, ამომრჩეველთა აქტივობა ბოლო 20 წლის განმავლობაში ყველაზე მაღალი იყო, საკუთარი არჩევანი 200 მილიონზე მეტმა ამომრჩეველმა გააკეთა. აქტივობამ 51%-ს მიაღწია.

საბოლოო მონაცემებით გაიზარდა ლიბერალ-დემოკრატების და მწვანეების მხარდაჭერა მრავალ ქვეყანაში. ყველაზე დიდი მხარდაჭერა მწვანეთა პარტიამ გერმანიაში მიიღო.  23 პროცენტით გერმანელი მწვანეები, კანცლერ ნგელა მერკელის პარტიის შემდეგ მეორე ადგილზე გავიდნენ. საბერძნეთში პრემიერის ციპრასის სოციალისტური პარტია საბერძნეთის ლიბერალ-კონსერვატიულმა პარტია „ახალმა დემოკრატიამ“ დაამარცხა.
მწვანეებმა და ლიბერალებმა შედეგბი გააუმჯობესეს ნიდელანდებში. 

ევროპარლამენტში ლიბერალ-დემოკრატების ალიანსის ლიდერი გი ვერჰოფსტადტი აცხადებს, რომ არჩევნების შედეგად ევროპარლამენტში პოლიტიკური ბალანსი შეიცვლება.
„პირველად 40 წლის განმვალობაში ორი კლასიკური პარტია – სოციალისტები და ქრისტიან-დემოკრატები უმრავლესობას ვერ მიიღებენ. ეს ნიშნავს, რომ მემარჯვენე-ცენტრისტული უმრავლესობა, ჩვენი ცენტრისტული ჯგუფის მონაწილეობის გარეშე ვერ შედგება. ეს ისტორიული დღეა, რადგან ევროპარლამენტში პოლიტიკური ძალების ბალანსი შეიცვლება“, – განაცხადა ვერჰოფსტადტმა.

ლიბერალ-დემოკრატები (ALDE) — 108 ადგილი ექნებათ ხოლო, მწვანეები - ევროპის თავისუფალი ალიანსი — 68 ადგილი; ამ მონაცემებით პოპულისტურ პარტიებთან შედარებით, ლიბერლებს და მწვანეებს ორმაგი მხარდაჭერა აქვთ.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

ენერგეტიკული კოლაფსი რუსეთში: უკრაინული დარტყმების ფონზე ,,გაზპრომმა” მუშაობა შეწყვიტა

ნაუსედა: ჩვენ გვაქვს სადაზვერვო ინფორმაცია, რომ რუსეთი ლიეტუვის ინფრასტრუქტურაზე თავდასხმებს გეგმავს

დღეს უკრაინის სახელმწიფოებრიობის დღეა - კიევი საერთაშორისო პარტნიორებს მასპინძლობს

ზურა ჯაფარიძეს ავტომობილი დაეჯახა - პოლიტიკოსი კლინიკაშია გადაყვანილი