„ეროვნულ დემოკრატიული ინსტიტუტის“ (NDI) კვლევის მიხედვით, გამოკითხულთა უმრავლესობა დადებითად საქართველოს მართლმადიდებლური ეკლესიის საქმიანობას აფასებს.

კითხვაზე, როგორც შეაფასებდით ინსტიტუტების საქმიანობას, გამოკითხულთა 20% ძალიან კარგად, 41% კარგად, 21% საშუალოდ, 6% ცუდად, 1% ძალიან ცუდად ააფასებს, ხოლო 10% უარს აცხადებს პასუხის გაცემაზე.

გამოკითხულთა, დიდი ნაწილი ასევე დადებითად აფასებს საქართველოს ჯარსაც. კერძოდ, ჯარის საქმიანობას გამოკითხულთა 8% ძალიან კარგად, 47% კარგად, 26% საშუალოდ, 8% ცუდად, ხოლო 1% ძალიან ცუდად აფასებს. კითხვაზე პასუხი რესპოდენტთა 10%-ს არ აქვს.

რაც შეეხება პოლიციის საქმიანობას, რესპოდენტთა 6% მის საქმიანობას ძალიან კარგად, 42% კარგად, 34% საშუალოდ, 12% ცუდად, 2% კი ძალიან ცუდად აფასებს. ამასთან, კითხვაზე პასუხი „არ ვიცი“ რესპოდენტთა 4%-მა დააფიქსირა.

NDI-ის კვლევის მიხედვით, გამოკითხულთა 4% საკუთარი საკრებულოს საქმიანობას ძალიან კარგად, 24% კარგად, 34% საშუალოდ, 16% ცუდად, 4% ძალიან ცუდად აფასებს. კითხვაზე პასუხი „არ ვიცი“ კი გამოკითხულთა 17%-მა დაასახელა.

მთავარი პროკურატურის საქმიანობა, რესპოდენტთა  1% ძალიან კარგად, 13% კარგად, 33% საშუალოდ, 21% ცუდად, 5% ძალიან ცუდად აფასებს. კითხვაზე პასუხი 27%-ს არ აქვს.

პარლამენტის საქმინობას, გამოკითხული მოსახლეობის 1% მიიჩნევს, რომ ძალიან კარგია, 11% საკანონმდებლო ორგანოს საქმიანობას კარგად, 40% საშუალოდ, 31% ცუდად, 9% კი, ძალიან ცუდად აფასებს. ამასთან, კითხვაზე პასუხი „არ ვიცი“ გამოკითხულთა 8%-მა დააფიქსირა.

რაც შეეხება, სასამართლოს საქმიანობას, რესპოდენტთა უმრავლესობა 29% ცუდად აფასებს; გამოკითხულთა  1% მიიჩნევს, რომ სასამართლოს საქმიანობა ძალიან კარგია, 11%-ის აზრით, მათი საქმიანობა კარგია, 31% საშუალოდ მიიჩნევს, 29% ცუდად, ხოლო 9% ძალიან ცუდად. რესპოდენტთა 19%-მა ამ კითხვაზე პასუხს „არ ვიცი“ გასცა.

ავტორი: ელენე გვიმრაძე, ექსპრესნიუსის რეპორტიორი 2018 წლიდან

სოციალური ქსელები

ელექტროენერგიის მიწოდება ნაწილობრივ აღუდგა დიდუბის, ვაკის, მთაწმინდისა და კრწანისის რაიონებს, ასევე ქუთაისის, ჭიათურის, საჩხერის, ონისა და ამბროლაურის ნაწილს

სახელმწიფო ელექტროსისტემის ინფორმაციით, ქვეყნის მასშტაბით ელექტროენერგია ავარიულად გაითიშა და მიწოდება ეტაპობრივად აღდგება

EU-ის სანქციების 21-ე პაკეტში ყულევის ქარხანა და ქართული კრიპტოპლატფორმებიც მოხვდა

ფედოროვი ვიცე-პრემიერობაზე უარს ამბობს და თავდაცვის სამინისტროში დაბრუნებას ითხოვს