საავტომობილო გზებისა და სამელიორაციო სისტემების მართვის დეპარტამენტის უფროსის მოვალეობის შემსრულებელმა რაულ ბერიძემ, შუახევის მერთან ფრიდონ ფუტკარაძესთან, საკრებულოს თავმჯდომარე გიორგი დავითაძესთან და ოფიციალურ პირებთან ერთად შუახევის მუნიციპალიტეტის წყალსაყრის ადმინისტრაციულ ერთეულს ერთი ერთეული ბულდოზერი გადასცა.

ბულდოზერი სამომავლოდ თოვლისა და მეწყერის წმენდის, გზის მიწის ვაკისის გაგანიერების, მოშანდაკებისა და პროფილირების სამუშაოების განსახორციელებლად იქნება გამოყენებული.

ხელმძღვანელმა პირებმა ხიჭაური-ნაღვარევის საავტომობილო გზის კმ7+800-კმ11+000 მონაკვეთზე ასფალტობეტონის საფარის მოწყობის სამუშაოებიც დაათვალიერეს, რომელსაც შპს „ზიმო 7“ ასრულებს. პროექტის ღირებულება 1565000 ლარს შეადგენს.

მიმდინარე წელს დეპარტამენტის ბიუჯეტიდან შუახევის მუნიციპალიტეტისათვის დაახლოებით 13 მილიონი ლარია გათვალისწინებული. საავტომობილო გზებზე მოეწყობა: 13 კმ. სიგრძის ასფალტობეტონის საფარი, რეაბილიტაცია ჩაუტარდება 1 არსებულ ხიდს, აშენდება 2 ახალი ხიდი და 41 ხელოვნური ნაგებობა.

(NS)

ავტორი: ექსპრესნიუსი,

სოციალური ქსელები

საფრანგეთში ექვს ქართველს შვიდ წლამდე თავისუფლების აღკვეთა მიესაჯა პრესტიჟული ფრანგული ბიბლიოთეკებიდან რუსული ლიტერატურული კლასიკის იშვიათი გამოცემების მოპარვისთვის

13 ივნისს დაღუპულთა სულის მოსახსენიებელ პანაშვიდი ჩატარდა

კახა კალაძე უვიზო მიმოსვლის საკითხზე: კატეგორიულად მიუღებელია ამ საკითხით ქართველი ერის შანტაჟი

კალაძე: პოლიციის მხრიდან ნებისმიერ გადაცდომას ყოველთვის მოყვება შესაბამისი რეაგირება