რუსეთში ავიაკატასტროფის შედეგად 41 ადამიანი დაიღუპა

2019-05-06 10:23:01, 2372 ნახვა

მსოფლიო

მოსკოვის აეროპორტში თვითმფრინავის ავარიული დაშვების დროს დაღუპულთა რიცხვი 41-მდე გაიზარდა, - ამის შესახებ BBC იუწყება.

მედია საშუალების ინფორმაციით, ინციდენტის შედეგად დაშავებული 37 ადამიანი საავადმყოფოში გადაიყვანეს. მათგან 6 პირის მდგომარეობა მძიმეა.

მედიის ცნობით, სამგზავრო ლაინერი რეისს მოსკოვიდან მურმანსკის მიმართულებით ასრულებდა. თვითმფრინავის ბორტზე 78 მგზავრი იმყოფებოდა.

წინასწარი ვერსიით, აფრენის შემდეგ, დაახლოებით ნახევარ საათში, თვითმფრინავს მეხი დაეცა, რის გამოს სხვადასხვა ელექტრომოწყობილობები მწყობრიდან გამოვიდა. პილოტმა რთული მეტეოროლოგიური პირობების გამო თვითმფრინავის დასმა მხოლოდ მეორე ცხადე შეძლო. ავარიული დაშვების დროს ხომალდს ცეცხლი გაუჩნდა.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან