2019-04-30 12:42:26, 1429 ნახვა
კომენტარი
რატიანი: მირჩევნია ზურაბიშვილმა საერთოდ არ გააკეთოს განცხადებები, ვიდრე ქვეყნის ნაციონალურ ინტერესებს პრობლემა შეუქმნას
"სალომე ზურაბიშვილმა მირჩევნია საერთოდ არ გააკეთოს განცხადება, ვიდრე გააკეთოს განცხადება, რომლის შემდგომაც, საქართველოს ნაციონალურ ინტერესებსაც პრობლემა შეექმნება", - ამის შესახებ "ევროპული საქართველოს" წევრმა, სერგო რატიანმა ჟურნალისტებს განუცხადა.
რატიანმა ასევე, განმარტა თუ რატომ არ წამოდგა ფეხზე ოპოზიცია, როდესაც პლენარულ სხდომათა დარბაზში პრეზიდენტი შევიდა.
"სალომე ზურაბიშვილი არ შესულა პრეზიდენტის რეზიდენციაში თავისუფალი და დემოკრატიული არჩევნების შედეგად, იყო ძალიან სერიოზული მოსყიდვები, ზეწოლები და ეს იყო უკან დახევა და დემოკრატიის ეროზია", - აღნიშნა სერგო რატიანმა.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
