2019-04-23 11:26:39, 1930 ნახვა
სამართალი
ლევან ჯიბღაშვილს დღეს ბრალს ოფიციალურად წაუყენებენ
მსახიობსა და ბიზნესმენს ლევან ჯიბღაშვილს დღეს ბრალს ოფიციალურად წაუყენებენ.
ჯიბღაშვილი მცხეთის დროებითი მოთავსების იზოლატორში იმყოფება.
მისი ადვოკატის, ამირან გიგუაშვილის განცხადებით, მსახიობი გამოძიებასთან თანამშრომლობს და ისინი ექსპერტიზის პასუხს ელოდებიან, რომელიც სავარაუდოდ, დღეს უნდა გახდეს ცნობილი.
შეგახსენებთ, რომ ლევან ჯიბღაშვილი სამართალდამცველებმა ნარკოდანაშაულისთვის დააკავეს. შსს ინფორმაციით, გამოძიება სისხლის სამართლის კოდექსის 260-ე მუხლის პირველი ნაწილით მიმდინარეობს, რაც ნარკოტიკული საშუალების უკანონო შეძენა-შენახვას გულისხმობს.
ავტორი: ელენე გვიმრაძე, ექსპრესნიუსის რეპორტიორი 2018 წლიდან
epn.ge (@expressnews.ge)
