ტაქსის მძღოლების საინიციატივო ჯგუფის წევრები აცხადებენ, რომ თბილისის მერიასთან შეთანხმებას მიაღწიეს და დაანონსებული პერმანენტული აქციები გაუქმდა.

საინიციატივო ჯგუფის ერთერთი წევრის თქმით, თბილისის მერიის გადაწყვეტილებით, მარჯვენასაჭიანი ტაქსები 2021 წლამდე იქნება დაშვებული.

„მივაღწიეთ იმ სიტუაციას, რომ მარჯვენასაჭიანი მანქანები 2021 წლის 1 იანვრამდე იქნება დაშვებული, ოღონდ „ბ“ კატეგორიაში. ბ კატეგორია განიხილება ასე, მხოლოდ აპლიკაციის საშუალებით შეეძლებათ მუშაობა, მაგრამ ჩვენ ვაწარმოვებთ მოლაპარაკებას, იქნებ დავითანხმოთ  მერიაც, ვუხსნით ძალიან კვალიფიკაციურად და გვაქვს იმის იმედი, რომ რაღაცაზე წამოვიყვანთ“, - აცხადებს საინიციატივო ჯგუფის ერთ ერთი წევრი.

ტაქსის მძღოლების საინიციატივო ჯგუფის წევრები პარლამენტის წინ ტაქსის მძღოლებისთვის მერიასთან მოლაპარაკების შედეგად მიღწეული შეთანხმების გასაცნობად მივიდნენ.  მძღოლების ნაწილი კვლავ უკმაყოფილოა და ისინი „ბ“ კატეგორიის ტაქსებისთვის ტრაფარეტის დადგმის უფლებას ითხოვენ.

შეგახსენებთ, რომ ახალი რეგულაციების მიხედვით „ა" კატეგორიის ლიცენზიის მისაღებადც ტაქსი  უნდა იყოს  თეთრი ფერის, მარცხენასაჭიანი და  ხუთკარიანი (საბარგულის კარიანად),  "ბ" კატეგორიის ტაქსზე   ფერის მოთხოვნა არ ვრცელდება, თუმცა  ისინი ვალდებულები იქნებიან მხოლოდ გამოძახებებზე იმუშაონ.

ავტორი: ექსპრესნიუსი,

სოციალური ქსელები

სტეფანე მღებრიშვილი ვერაზე მომხდარ ტრაგედიაზე: ქვეყანა აქციეს ჯოჯოხეთად

LOUDspeakers: საქართველოში ყოველი მომდევნო დღე წინაზე უარესია

ზურაბიშვილი: რატომ გახდა ეს ქვეყანა ტრაგედიის, სიკვდილის, უსამართლობის, სიძულვილისა და სისასტიკის ქვეყანა?

კლინიკის ინფორმაციით, ბათუმში, გუშინ დაჭრილი მამაკაცის ჯანმრთელობის მდგომარეობა მძიმეა და ის მართვით სუნთქვაზე იმყოფება