აშშ სტიქიას ებრძვის - დაღუპულია 8 ადამიანი

2019-04-15 10:43:53, 2958 ნახვა

მსოფლიო

ამერიკის შეერთებულ შტატებში ტორნადოს შედეგად სულ მცირე 8 ადამიანი დაიღუპა, მათ შორის 2 ბავშვია, - ამის შესახებ Associated Press იუწყება.

მედია საშუალების ინფორმაციით, სტიქიას აშშ-ის რამდენიმე შტატში, კერძოდ კი, ტეხასში, ლუიზიანაში, ალაბამასა და მისისიპიში ებრძვიას. ამასთან, მისისიპიში საგანგებო მდგომარეობა გამოცხადდა, ტეხასში მდებარე ქალაქი ფრანკლინი სრულად განადგურდა.

მედიის ცნობით, დაშავდა ათობით ადამიანი, ათასობით კი, სახლის გარეშე დარჩა. მათთვის დროებითი განთავსების ცენტრები მოაწყეს.

AP იტყობინება, რომ სპეციალისტების პროგნოზით ძლიერი შტორმი აღმოსავლეთ სანაპიროს დიდი ქალაქების მიმართულებით გადაადგილდება. ადგილობრივი ხელისუფლება დაღუპულების რაოდენობის გაზრდას არ გამორიცხავს.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან