მალტაში მომხდარი სროლის დეტალებზე, რა დროსაც საქართველოს მოქალაქე დაჭრეს, ადგილობრივი მედია წერს

2019-04-08 12:07:05, 3125 ნახვა

მსოფლიო

მალტაში, ქალაქ ბირზებუჯაში მომხდარ ინციდენტთან დაკავშირებით, რომლის შედეგად საქართველოს ერთი მოქალაქე დაიჭრა, ადგილობრივი მედია დეტალებს ავრცელებს.

სააგენტო MaltaToday იტყობინება, რომ შემთხვევა შაბათს ღამე მოხდა. როგორც პოლიციაში აცხადებენ, სხეულის სხვადასხვა სახის დაზიანება ორმა ადამიანმა მიიღო, მათ შორის საქართველოს ერთი მოქალაქეა.

მედია საშუალების ინფორმაციით, საქართველოს 45 წლის მოქალაქე საავადმყოფოშია გადაყვანილი. თავდამსხმელი შემთხვევის ადგილიდან „ტოიოტას“ მარკის ავტომობილით მიიმალა. მანამდე მან 3 მიგრანტს ცეცხლი გაუხსნა.

დანაშაულის მოტივი ჯერჯერობით უცნობია, თუმცა სამართალდამცველები არ გამორიცხავენ, რომ თავდასხმა რასობრივი სიძულვილის ნიადაგზე მომხდარიყო. ამ ეტაპზე პოლიცია თავდამსხმელს ეძებს.

ინფორმაციის გადასამოწმებლად "ექსპრესნიუსი" საგარეო საქმეთა სამინისტროს დაუკავშირდა. როგორც უწყებაში აცხადებენ, საქართველოს კონსული ადგილობრივ სამართლადამცავებთან მუდმივ კავშირზეა.

ამასთან დაჭრილი პირის იდენტიფიცირება ჯერ არ დასრულება და დაზუსტებით იმის თქმა, არის თუ არა ის საქართველოს მოქალაქე შეუძლებელია.

Patreon P მხარი დაუჭირე "ექსპრესნიუსს" →

ავტორი: ლუკა ცარციძე, ექსპრესნიუსის რეპორტიორი 2019 წლიდან