ერევანში გამართული აქციის მონაწილეების წინააღმდეგ საქმე ხულიგნობის მუხლითაა აღძრული

2015-06-23 16:48:05, 1330 ნახვა

მსოფლიო

ერევანში ელექტროენერგიის გადასახადის გაძვირებასთან დაკავშირებით გამართულ საპროტესტო აქციაში მონაწილეებს, ბრალი ხულიგნობის მუხლით წაუყენეს.

აღნიშნული მუხლი, ორ წლამდე თავისუფლების აღკვეთას ითვალისწინებს. საქმე განსახილველად სომხეთის გენერალურ პროკურატურას გადაეცა.

ამის პარალელურად აქციის ორგანიზატორები მოქალაქეებს ახალი აქციის მოწყობისკენ მოუწოდებენ, რომელიც 23 ივნისს საღამოს 6 საათზეა დანიშნული.

ცოტა ხნით ადრე, პოლიციამ გაავრცელა განცხადება, რომლის თანახმადაც აქციის 237 წევრი დაკავებულ იქნა, ხოლო შეტაკების შედეგად დაშავდა 7 დემონსტრანტი და 11 სამართალდამცავი.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან