2019-03-26 20:15:10, 1639 ნახვა
რეგიონი
პრემიერ-მინისტრი ხვალ აჭარას ეწვევა
საქართველოს პრემიერ-მინისტრი მამუკა ბახტაძე ხვალ აჭარის ავტონომიურ რესპუბლიკას ეწვევა.
მთავრობის მეთაური ქობულეთში 14:00 საათზე მწვანე ქალაქისა და გოლფის მოედნის „Green Resort"-ის მშენებლობის ადგილს დაათვალიერებს და პროექტის პრეზენტაციას დაესწრება.
პრემიერ-მინისტრი აჭარის რეგიონში სტუმრობისას ბათუმში მიმდინარე ინფრასტრუქტურული პროექტების განხორციელების პროცესს გაეცნობა.
დღის ბოლოს, 19:00 საათზე, მამუკა ბახტაძე ბათუმის ილია ჭავჭავაძის დრამატული თეატრის საზეიმო გახსნის ცერემონიას დაესწრება, რასთან დაკავშირებითაც დავით კლდიაშვილის ნაწარმოებების მიხედვით დადგმული სპექტაკლის - „KLDIASHVILI.GE" პრემიერა გაიმართება.
ავტორი: ექსპრესნიუსი,
epn.ge (@expressnews.ge)
