აჭარის ა/რ ჯანმრთელობისა და სოციალური დაცვის მინისტრმა ზაალ მიქელაძემ, პირველ მოადგილესთან, ნინო ნიჟარაძესთან ერთად ბათუმში თურქეთის გენერალურ კონსულს, მაქბულე ქოჩაქს, თურქეთის თანამშრომლობისა კოორდინაციის სააგენტოს საქართველოს დეპარტამენტის ხელმძღვანელს, შენგულ ილერსა და „ტიკას“ საქართველოს ოფისის კოორდინატორს, ნეჯლა დერმიდაგს უმასპინძლა.

შეხვედრაზე სააგენტოს წარმომადგენლებმა ტიკას მიერ საქართველოში განხორციელებულ და დაგეგმილ პროექტებზე ისაუბრეს. ისინი მზად არიან დედათა და ბავშვთა ჯანმრთელობის ხელშეწყობის მიზნით განახორციელონ ახალი სასწავლო-პრაქტიკული პროგრამა, აჭარის რეგიონის სამედიცინო პერსონალის ჩართულობით.

თურქეთის თანამშრომლობისა კოორდინაციის სააგენტოს ორგანიზებით, ხვალ, ქ. ბათუმის ინფექციური პათოლოგიის, შიდსისა და ტუბერკულოზის რეგიონულ ცენტრს თურქი მედიკოსები ეწვევიან. ისინი ერთი კვირის განმავლობაში ქართველ კოლეგებს საკუთარ გამოცდილებას გაუზიარებენ.

თურქეთის თანამშრომლობისა კოორდინაციის სააგენტოს მხარდაჭერით 2016-2017 წწ სრული რეკონსტრუქცია ჩაუტარდა ინფექციური საავადმყოფოს A კორპუსს. დაწესებულება აღიჭურვა უახლოესი სამედიცინო აპარატურითა და საოფისე ინვენტარით. აჭარის მთავრობას, თურქეთის თანამშრომლობისა და კოორდინაციის სააგენტოსთან ჯანდაცვის სფეროში თანამშრომლობის სხვა წარმატებული მაგალითებიც აქვს. ერთ-ერთი ასეთია, მახინჯაურის შეზღუდული შესაძლებლობის მქონე პირთა სარეაბილიტაციო ცენტრის შენობის სრული რეაბილიტაცია-აღჭურვა. ამ დახმარებით, ყოველდღიურად ცენტრში 150-მდე შშმ ბავშვი რეაბილიტაციის კურსს ადაპტირებულ გარემოში გადის.

სააგენტოს მხარდაჭერით ასევე აშენდა აღიჭურვა სოფელ ცხემლარის თემის სამედიცინო პუნქტი.

(NS)

ავტორი: ექსპრესნიუსი,

სოციალური ქსელები

დაკარგული შანსი საქართველოსთვის - უკრაინამ და მოლდოვამ ევროკავშირში გაწევრიანების პირველი კლასტერი გახსნეს

ევროპის საბჭოს მინისტრთა კომიტეტი საქართველოს ხელისუფლებას კანონმდებლობის გადახედვისკენ მოუწოდებს

შსს პოლიციელების მიერ ჩადენილ ძალადობის ფაქტებს ადასტურებს

კრიტიკის ცეცხლში მოყოლილი ისტორიაში ყველაზე ძვირადღირებული მსოფლიო ჩემპიონატი ფეხბურთში