ახალ ზელანდიაში ხალხით სავსე ორ მეჩეთში ცეცხლი გახსნეს

2019-03-15 10:45:10, 3001 ნახვა

მსოფლიო

ახალ ზელანდიაში ხალხით სავსე ორ მეჩეთში ცეცხლი გახსნეს - არის მსხვერპლი

ახალ ზელანდიაში, ქალაქ ქრაისთჩერჩში, ხალხით სავსე ორ მეჩეთში ცეცხლი გახსნეს, რის შედეგადაც 40-მდე ადამიანი დაიღუპა.

არსებული ინფორმაციით, პირველი თავდასხმა მასჯიდ ალ ნურის მეჩეთში მოხდა, სადაც იმ დროისთვის 300-მდე ადამიანი იმყოფებოდა.

თვითმხილველთა განცხადებით, მეჩეთში შავებში ჩაცმული მამაკაცი ცეცხლსასროლი იარაღით შეიჭრა და სროლა დაიწყო. თავდამსხმელმა ცეცხლი ჯერ მამაკაცების შემდეგ კი, ქალების სამლოცველო დარბაზში გახსნა და სამართალდამცველების მისვლამდე ადგილიდან მიიმალა.

მომხდართან დაკავშირებით 4 ადამიანი დაკავებული, თუმცა ჯერჯერობით უცნობია, ზუსტად რამდენი ადამიანი მონაწილეობდა თავდასხმაში.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები