პარლამენტის იურიდიულ საკითხთა კომიტეტის თავმჯდომარის ანრი ოხანაშვილის განცხადებით, „თიბისი ბანკის“ დამფუძნებლის, მამუკა ხაზარაძე პოლიტიკური იმუნიტეტის მოპოვებას ცდილობს.

მისი თქმით აფიორების დრო ქვეყანაში დასრულდა.

 „სასაცილოა კომუნიკაციების საუკუნეში იმით აპელირება, თითქოსდა ასეთი უსტარის მეშვეობით ხდება ვიღაცის მიმართ ვითომდა მუქარა და ვითომდა შანტაჟი. ეს არის აბსურდი. ყოვლად მიუღებელია რაღაც პოლიტიკური იმუნიტეტის შექმნა იმის გამო რომ თუკი ვიღაცამ გაბედა და განახორციელა აფიორა, რაც, რა თქმა უნდა, გამოძიების საგანია - აქედან გამომდინარე, ეს იღებს შოუს სცენარის სახეს. აფიორების დრო დასრულდა ამ ქვეყანაში. სამართლებრივი სახელმწიფო ნიშნავს იმას, რომ ყველა პროცედურის დაცვით უნდა მოხდეს სამართალწარმოების განხორციელება. კომუნიკაციების საუკუნეში ფარატინა ქაღალდზე დაყრდნობით თურმე ასეთი ფორმით წარდგენილ თითქოსდა შანტაჟზე უნდა გამოვიდეთ ჩვენ და ვამტკიცოთ, რომ ვიღაცამ გაბედა თურმე მუქარა და შანტაჟი.

ეს არის აბსურდის თეატრი. შესაბამისად, ყველამ თავი დაანებოს პოლიტიკური იმუნიტეტის შექმნის მცდელობას, პოლიტიკურ პროცესებში ამ პროცესების გადაყვანას, ითანამშრომლოს ყველამ, ვისაც აქვს სურვილი რომ საქმეს მიეცეს მსვლელობა და დადგინდეს ჭეშმარიტება შესაბამის სამართალდამცავ ორგანოებთან, რათა არა ფარატინა ქაღალდის ფრიალით, არამედ სამართლადამცავ ორგანოებთან  თანამშრომლობით უზრუნველყოფილი იყოს ამ პროცესის ნორმალურ ჭრილში ფუნქციონირება,  პოლიტიკური პროცესისგან დაცლა.

მე ვხედავ, რომ ადგილი აქვს ერთი სუბიექტის მიერ პოლიტიკური იმუნიტეტის მოპოვების მცდელობას, იმ შესაძლო აფიორის გამო, რომელსაც შესაძლოა ადგილი ჰქონდეს ამ საქმეში. ეს ასეა თუ არა, სამართალდამცავი ორგანოს კომპეტენციაა“, - აღნიშნა ანრი ოხანაშვილმა.

(NS)

ავტორი: ,

სოციალური ქსელები

რუსეთის უშიშროება: უკრაინის უსაფრთხოების სამსახური მოსკოვის ოლქში სტრატეგიულ ობიექტზე დრონებით მასშტაბურ თავდასხმას გეგმავდა

მარტა კოსი: დღეს ევროკავშირის გაფართოებისთვის „სუპერ სამშაბათია“ - ჩვენ მოლდოვასა და უკრაინასთან მე-6 კლასტერს ვხსნით

სუს: 9 რეგიონში ჩატარებული ღონისძიების შედეგად, დაკავებული და სისხლის სამართლის პასუხისგებაში მიცემულია 28 პირი

ფოთი - ჭადრაკის ქალაქი. საქართველოს ბანკი ფოთის საჭადრაკო კლუბის მთავარი მხარდამჭერია