„კობახიძე ეტყობა იმიტომ არის ბედნიერი, რომ მოახერხა ივანიშვილის დარწმუნება, მოსამართლეების თემა შეჩერებულიყო“, - ამის შესახებ „პატრიოტთა ალიანსის“ წევრმა, დავით ჭიჭინაძემ ჟურნალისტებს განუცხადა.

დეპუტატი „ქართული ოცნების“ პოლიტსაბჭოს დღევანდელი გადაწყვეტილებას გამოეხმაურა, რომლის მიხედვითაც უმრავლესობა მოსამართლეთა უვადოდ დანიშვნის შეჩერების შესახებ კანონპროექტს მხარს არ დაუჭერს.

„პოლიტსაბჭოს განცხადებები ამ ბოლო დროს ძალიან გახშირდა და თან ერთმანეთის გამომრიცხავიც არის, აქედან გამომდინარე დღეს პირდაპირ უარი ეთქვა ასე, რომ ვთქვათ ჩვენს ინიციატივას და არ მგონია ხვალ დეპუტატებმა მხარი დაუჭირონ. ძალიან საინტერესოა  უბრალოდ ხალხს ვინ ეტყვის უარს და შემდეგ ის პროექტი, რომელსაც ესენი ამზადებენ, რომ იტყვიან მზურნველობით ხალხზე და სამართლიან სასამართლოზე და თუ გავიხსენებთ მათ წინა განცხადებას, გარკვეულწილად პოლიტსაბჭოში გაორებები ემართებათ. ბიძინა ივანიშვილის გარეშე რა თქმა უნდა ეს არ მოხდებოდა და კობახიძე ეტყობა იმიტომ არის ბედნიერი, რომ მოახერხა მისი დარწმუნება, რომ ეს კანონი უნდა შეჩერებულიყო“, - აღნიშნა დავით ჭიჭინაძემ.

ავტორი: ,

სოციალური ქსელები

ტრამპმა ოფიციალურად აცნობა კონგრესს ირანზე აშშ-ის საჰაერო დარტყმების განახლების შესახებ

უკრაინის პრემიერ-მინისტრმა სვირიდენკომ თანამდებობიდან გადადგომის შესახებ განცხადება დაწერა

თბილისის მერია ადასტურებს, რომ ე.წ. რიყის დოქების დემონტაჟის ნებართვა გაიცა

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ