გიგლა აგულაშვილი ფანასკერტელის ქუჩაზე ვითარებას ადგილზე გაეცნო

2015-06-18 16:20:37, 470 ნახვა

საზოგადოება

გარემოსა და ბუნებრივი რესურსების დაცვის მინისტრი გიგლა აგულაშვილი გარემოს ეროვნული სააგენტოს გეოლოგებთან ერთად, ფანასკერტელის ქუჩაზე ვითარებას ადგილზე გაეცნო.

აგულაშვილი მოსახლეობას გაესაუბრა და შემთხვევის ადგილთან ახლოს მდებარე საცხოვერებელი კორპუსები დაათავლიერა.

სამინისტროს ინფორმაციით, ფანასკერტელის ქუჩაზე კლდის მასივი მაშინ ჩამოწვა, როცა საცხოვრებელი სახლის მშენებლობის მიზნით ამ ტერიტორიაზე ნიადაგის დასუფთავება მიმდინარეობდა.

გარემოს ეროვნული სააგენტოს გეოლოგები აღნიშნულ ტერიტორიას შეისწავლიან, ადგილზე ასევე, გარემოსდაცვითი ზედამხედველობის დეპარტამენტის, სამაშველო სამსახურის წარმომადგენლები და საბურთალოს გამგეობის თანამშრობლები იმყოფებიან.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან