ოპოზიცია პირადი ცხოვრების ამსახველი კადრების გავრცელების საქმეზე, ზაალ ლატარიას დაპატიმრებას სადამსჯელო ღონისძიებას უწოდებს. ამის შესახებ “ნაციონალურ მოძრაობის” წევრები აცხადებენ. პარტიის წევრის მურთაზ ზოდელავას განცხადებით, ლატარიას დაკავება ოპოზიციაში მის პოლიტიკურ აქტივობას უკავშირდება.
"ბესელიასა და ივანიშვილს შორის არის კონფლიქტი, ეს კონფლიქტი არის ივანიშვილის კარის თამაშები და ამ კარის თამაშებს ეწირებიან კონკრეტული ადამიანები. ზაალი იყო ძალიან აქტიურად ჩართული გაერთიანებული ოპოზიციის საქმიანობაში, იყო ერთ-ერთი მიმართულების ლიდერი ზუგდიდში. მას ახლა ფაქტიურად სჯიან იმის გამო რომ ის იყო აქტიური ოპოზიციონერი,“-აცხადებს მურთაზ ზოდელავა.
პირადი ცხოვრების ამსახველი კადრების გავრცელების საქმეზე ყოფილი სპეცრაზმელის, ზაალ ლატარიას დაკავების ფაქტს “ევროპული საქართველო” ეხმაურება.
„ეჭვი ჩნდება, რომ ამ შემთხვევაშიც ანალოგიურის გაგრძელებასთან ხომ არ გვაქვს საქმე. ყველა ქმედება, რომელსაც გამოძიება ახორციელებს უნდა იყოს კარგად დასაბუთებული და არ უნდა დარჩეს საზოგადოებას განწყობა, რომ მესამე მეოთხე რიგის გამავრცელებელს აძლევენ პასუხისგებაში და რეალური დამკვეთი რჩება ფარდის მიღმა,“-ამბობს ოთარ კახიძე.
შინაგან საქმეთა სამინისტროს მიერ ოფიციალურად გავრცელებული განცხადების თანახმად, სამართალდამცველებმა, მიმდინარე გამოძიების ფარგლებში ჩატარებული ოპერატიულ-საგამოძიებო მოქმედებების შედეგად, ვიდეოჩანაწერის შენახვისა და გავრცელების ბრალდებით, კიდევ ერთი პირი - 1975 წელს დაბადებული ზაალ ლატარია დააკავეს. პოლიციამ ბრალდებულის საცხოვრებელ სახლში მოსამართლის განჩინების საფუძველზე ჩხრეკა ჩაატარა.

უწყების ცნობითვე, გამოძიებით დადგინდა, რომ ბრალდებულმა მობილური ინტერნეტაპლიკაციის მეშვეობით გაავრცელა პირადი ცხოვრების ამსახველი ვიდეოჩანაწერი.

ავტორი: ,

სოციალური ქსელები

პუტინი ცხინვალის მარიონეტ კამბოლოვს: ველოდები, რომ გაგლოევის „განვითარებულ მოვლენებს“ გამოიყენებთ

მასშტაბური კორუფციის გამო მერიამ „რიყის დოქების“ დანგრევა გადაწყვიტა - აბესაძე

რუსეთში, ბენზინის დეფიციტის გამო, საავადმყოფოებისთვის, სახანძრო სამსახურებისთვის და საზოგადოებრივი კომუნალური კომპანიებისთვის საწვავის შესყიდვა შეფერხდა

აშშ-ის სახელმწიფო მდივანი მარკო რუბიო ვენესუელას ფაქტობრივი მმართველი გახდა -The New York Times