„ულტიმატუმებს არ ვიღებთ“ - ნიკოლას მადურო ვენესუელაში სამოქალაქო ომს არ გამორიცხავს

2019-02-04 10:51:28, 3579 ნახვა

მსოფლიო

ვენესუელას ე.წ. პრეზიდენტი ნიკოლას მადური არ გამორიცხავს, რომ პოლიტიკური კრიზისის გამო ქვეყანაში შესაძლოა სამოქალაქო ომი დაიწყოს, - ამის შესახებ Deutsche Welle იუწყება.

როგორც მადურომ აღნიშნა, ოფიციალურ კარაკასს სურს, რომ ქვეყნის საშინაო საქმეებში არავინ ჩაერიოს. გარდა ამისა, მადურო ევროკავშირის რიგი ქვეყნების ულტიმატუმსაც გამოეხმაურა, რომლის თანახმადაც მადურომ ვენესუელაში ვადამდელი საპრეზიდენტო არჩევნები უნდა ჩაატაროს.

"ვენესუელაში მოვლენების შემდგომი განვითარება შეერთებული შტატებისა და მისი პარტნიორების აგრესიისა და სიგიჟის დონეზეა დამოკიდებული. არავის ულტიმატუმებს არ მივიღებთ. ეს იგივეა მე, რომ ევროკავშირისთვის მეთქვა: 7 დღეს გაძლევთ, რომ კატალონიის დამოუკიდებლობა აღიაროთ, წინააღმდეგ შემთხვევაში მე მოქმედებებზე გადავალ. საერთაშორისო პოლიტიკა არ შეიძლება იყო დაფუძნებული ულტიმატუმებზე. ჩვენ მზად ვართ ქვეყნისთვის ვიბრძოლოდ და ვენესუელას არ დავთმობთ", - განაცხადა ნიკოლას მადურომ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები