ვეტერანთა დასვენებისა და კულტურის პარკს (კიკვიძის პარკი) სრული რეაბილიტაცია ჩაუტარდება. ამის შესახებ თბილისის მერმა კახა კალაძემ 2019 წელს დაგეგმილი მსხვილი ინფრასტრუქტურული პროექტების პრეზენტაციაზე განაცხადა.

„ვაპირებთ ამ პარკის სრულ რეაბილიტაციას. გვინდა, მოვაწესრიგოთ არსებული მდგომარეობა. ბოლო დროს თუ ხართ ნამყოფები კიკვიძის პარკში, ძალიან მძიმე მდგომარეობაა. აღნიშნული პარკის რეაბილიტაცია ტარდება იმ პროექტების ფარგლებში, რომელიც ემსახურება მწვანე სივრცეების შექმნას და ეკოლოგიური მდგომარეობის გაუმჯობესებას.  აქ გვაქვს ორი მიმართულება: პირველი - არსებულის მოწესრიგება და მოვლა-პატრონობა და მეორე - ახალი საქალაქო პარკების და სკვერების მშენებლობა, რასაც გამგეობები ძალიან მაღალ დონეზე ასრულებენ.  ამ კონკრეტული პროექტის განხორციელება 4 900 000 ლარი ჯდება. პარკი სრულად რეაბილიტირდება, შეიქმნება ახალი სივრცეები ბავშვებისთვის, მოეწყობა ამფითეატრი,  ველობილიკი. ყველანაირი ინფრასტრუქტურა მოეწყობა იმისთვის, რომ ადამიანი შევიდეს და კომფორტულ გარემოში დაისვენოს“, - განაცხადა კახა კალაძემ.

მისივე თქმით, ამ და ყველა სხვა საქალაქო პარკში მოეწყობა სპორტული ზონა - ტრენაჟორები, რომლით სარგებლობა  ნებისმიერი ასაკის ადამიანს შეეძლება.

(NS)

ავტორი: ,

სოციალური ქსელები

ვინ არის გენერალ-მაიორი მიხაილო დრაპატი, უკრაინის შეიარაღებული ძალების ახალი მეთაური

ზელენსკიმ სირსკი უკრაინის შეიარაღებული ძალების მთავარსარდლის თანამდებობიდან გაათავისუფლა და მის ნაცვლად დრაპატი დანიშნა

Wildberries-ის საწყობის ხანძრის შედეგად მიყენებულმა ზარალმა რუსეთის 53 რეგიონის წლიურ ბიუჯეტს გადააჭარბა

რეჟიმი სუს-ის იუბილის აღსანიშნავად 80 ათას ლარს უტენდეროდ დახარჯავს