გამყრელიძე: წითელას 335 შემთხვევაა დაფიქსირებული - მოგიწოდებთ ვაქცინაცია ჩაიტაროთ

2019-01-18 14:11:01, 1251 ნახვა

საზოგადოება

დაავადებათა კონტროლის ეროვნული ცენტრის გენერალური დირექტორი ამირან გამყრელიძე აღნიშნავს, რომ საქართველოში წითელას 335 ახალი შემთხვევა დაფიქსირდა.

მისივე თქმით, ყველაზე მეტი შემთხვევები იმერეთში, სამეგრელოში, თბილისსა და კახეთში გხვდება. გამყრელიძე მოსახლეობას აღნიშნული დაავადების საწინააღმდეგო ვაქცინააცისკენ მოუწოდებს.

"იანვრის დაწყებიდან დღემდე, გვაქვს 335 შემთხვევა წითელასი ქვეყანაში. ეპიდაფეთქება ძირითადად ლოკალიზებულია და ყველაზე მეტი შემთხვევები გვაქვს იმერეთში, სამეგრელოში, თბილისსა და კახეთში. ყველაზე სენსიტიური ასაკია 20-დან 40 წლამდე. მოვუწოდებთ ამ ასაკის მოსახლეობას, თუ არ ახსოვთ აქვთ თუ არა გადატანილი წითელა, ან აცრილი ბრძანდებით, გაიკეთონ ვაქცინაცია. ის თქვენ და თქვენს ირგვლივ მყოფებს წითელას გავრცელებისგან დაგიცავთ", - განაცხადა გამყრელიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები