2018 წელს ქალაქის მთავრობამ  44 სხდომა გამართა, - ამის შესახებ თბილისის მერმა კახა კალაძემ, დედაქალაქის მთავრობის სხდომაზე განაცხადა.

მისი თქმით, 2018 წელს ბევრი მნიშვნელოვანი პროექტი განხორციელდა, თუმცა კახა კალაძის განცხადებით,  მომავალ წელს კიდევ უფრო მეტი სამუშაო იქნება შესასრულებელი.

„საკმაოდ საინტერესო წელი იყო 2018. ბევრი მნიშვნელოვანი პროექტი განვახორციელეთ. იყო გამოწვევები და პრობლემები, თუმცა ვფიქრობ, რომ ჩვენ ღირსეულად ვუპასუხეთ ყველა მათგანს.  ეს არ ნიშნავს იმას, რომ ქალაქში ყველაფერი მოწესრიგებულია და  ყველა პრობლემა  მოგვარებულია, რა თქმა უნდა, ჩვენ უფრო მეტი გვექნება სამუშაო და უფრო მეტი გვექნება გასაკეთებელი“, - განაცხადა კახა კალაძემ.

თბილისის მერმა მოსახლეობას დამდეგი შობა-ახალი წელი მიულოცა და  მხარდაჭერისთვის მადლობა გადაუხადა.

.„მოსახლეობას მინდა ძალიან დიდი მადლობა გადავუხადო მხარდაჭერისა და  თანადგომისთვის. ჩვენ ამას ვგრძნობთ და დარწმუნებული ვარ მომავალშიც ვიგრძნობთ. ეს დამატებით სტიმულსა და შემართებას გვაძლევს, რომ ღირსეულად ვემსახუროთ ჩვენს ქალაქს, თბილისს და თბილისელებს“, - განაცხადა კახა კალაძემ.

დედაქალაქის მერმა ერთწლიანი მუშაობისთვის მადლობა თბილისის მერიის თითოეულ თანამშრომელს გადაუხადა  და კიდევ უფრო აქტიური, ნაყოფიერი და ქალაქის განვითარების ახალ საფეხურზე გადამყვანი წელი უსურვა.

(NS)

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის