ძალიან მადლიერი ვარ იმ ნდობისთვის, რაც ხალხმა გამომიცხადა, - ამის შესახებ არჩეულმა პრეზიდენტმა სალომე ზურაბიშვილმა "იმედის" ინტერვიუში განაცხადა.

ზურაბიშვილის თქმით, მას იმედი აქვს, რომ მისი პრეზიდენტობის განმავლობაში საქართველოში ევროკავშირის წევრი ქვეყანა გახდება.

ძალიან მადლიერი ვარ იმ ნდობისთვის რაც ხალხმა გამომიცხადა. მადლიერი ვარ, რომ ასე იაქტიურეს. ვგრძნობ ძალიან დიდ პასუხსიმგებლობას. ეს ნდობა არის მოცემული 6 წლით და ამ 6 წელიწადში ძალიან ბევრი რამე უნდა მოხდეს საქართველოში. უნდა შეიცვალოს ქვეყანა, უნდა შევიდეთ ევროკავშირში - იმედი მაქვს, რომ ეს 6 წელი იქნება ის ვადა რომელიც ამის საშუალებას მოგვცემს. სწორედ ამაზე ვიმუშავებ პირველ რიგში. ასევე საზოგადოება უნდა დამშვიდდეს. მგონი მოლოდინი ამ კუთხით ქვეყანაში არის დიდი. ეს ორივე მისია არის ის მისია, რომლის მიმართ ვგრძნობ ძალიან დიდ პასუხსიმგებლობას.  

საზოგადოებაში იყო მზადყოფნა, იმისთვის რომ ჩვენ წავიდეთ წინ და არ დავუბრუნდეთ წარსულს. მე რაღაც ფორმით წარმოვადგენ სწორედ ამ ახალ საქართველოს. ქალი პრეზიდენტი ეს არის ძალიან დიდი სიახლე და მგონი ამით ქვეყანა მომავალშიც იამაყებს. ქვეყანა ასევე მზად არის, რომ გადავიდეთ ცივილურ ფორმატზე. ამის მაგალითი მეც მივეცი წინასაარჩევნო კამპანიის დროს. ჩვენ შეიძლება სხვანაირად მოვექცეთ ერთმანეთს, მეტი მოთმინებით, მეტი ურთიერთპატივისცემით - ესეც არის რაღაც წყურვილი რომელიც არსებობს საზოგადოებაში. არც ერთ მომენტში არ გადავაბიჯე იმ ზღვარს რაც მე ჩემ თავს გავუსვი, რომ ყველას მიმართ ვყოფილიყავი ისეთი ქართველი და ისეთი ევროპელი როგორიც გავიზარდე", - განაცხადა სალომე ზურაბიშვილმა.

ავტორი: ,

სოციალური ქსელები

დემოკრატი სენატორი რუსეთის წინააღმდეგ სანქციების დაწესებას მოუწოდებს „ლინდსი გრეჰემის ხსოვნისადმი“

ირანი აცხადებს, რომ ქუვეითში ამერიკული HIMARS-ის რაკეტმზიდები გაანადგურა

გარემოს ეროვნული სააგენტო -თელავში მოსულმა უხვმა ატმოსფერულმა ნალექმა მდინარე თელავისხევის აუზში ღვარცოფული პროცესების მკვეთრი გააქტიურება გამოიწვია

ზელენსკი უკრაინის პრემიერ-მინისტრს და ძალოვან მინისტრებს ცვლის