საფინანსო-საბიუჯეტო კომიტეტის წევრებსა და პრეზიდენტის ადმინისტრაციის წარმომადგენლებს შორის პარლამენტში შეხვედრა გაიმართა.

შეხვედრაზე ეროვნული ბანკიდან საბანკო საზედამხედველო ფუნქციის გამოყოფის საკითხი განიხილეს. ეკონომიკურ საკითხებში პრეზიდენტის მრჩევლის, გიორგი აბაშიშვილის განცხადებით, თუ “ეროვნული ბანკის შესახებ" კანონში ინიცირებული ცვლილებები არ შეიცვლება, პრეზიდენტი ვეტოს გამოიყენებს.

„იმ ფორმით, რომლითაც კანონპროექტი წარდგენილია პარლამენტში, ასევე იმ ფონზე როდესაც საუბარი გვაქვს ერთის მხრივ, ასოცირების დღის წესრიგით ნაკისრი ვალდებულებების შეუსრულებლობაზე, მეორეს მხრივ, სახეზეა საქართველოს მთავრობის განკარგულების დარღვევა სამოქმედო გეგმასთან დაკავშირებით, თავისთავად ცხადია, ამ ფორმით ასეთი შინაარსის კანონის მიღება ჩვენ ვთვლით, რომ მნიშვნელოვნად დააზიანებს ერთის მხრივ, საბანკო სექტორს მეორეს მხრივ, მთლიანად ეკონომიკას და ცხადია, ყველა ასეთი ტიპის გადაწყვეტილებასთან მიმართებაში გამოყენებული იქნება ვეტო“, - განაცხადა გიორგი აბაშიშვილმა.

პრეზიდენტის მრჩევლის თქმითვე, აუცილებელია, რომ პროცესში საერთაშორისო საფინანსო ინსტიტუტები ჩაერთონ. პრეზიდენტის ადმინისტრაციის წარმომადგენლებსა და საფინანსო-საბიუჯეტო კომიტეტის წევრებს შორის შეხვედრა დახურულ ფორმატში გაიმართა. ეროვნული ბანკისგან საზედამხედველო ფუნქციის გამოყოფის ინიციატივის განხილვა პარლამენტში სავარაუდოდ, ორ კვირაში დაიწყება.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

შიო III საქართველოში დიდი ბრიტანეთის ელჩს შეხვდა

ყველაფერი პოლიციის შესახებ: საპატრულოს დირექტორის მოადგილემ თანამდებობა დატოვა

უკრაინამ თათარსტანსა და სამარის რეგიონში მსხვილ ნავთობქიმიურ ქარხნებს შეუტია

ბოჭორიშვილი სავიზო დიალოგზე: პოზიციები გავცვალეთ, ვნახოთ, მოვლენები როგორ განვითარდება