პროკურატურა: ოთარ ფარცხალაძე „ომეგა ჯგუფის“ საქმეზეც დაიკითხება

2018-11-06 14:57:19, 2092 ნახვა

სამართალი

პროკურორ ემზარ გაგნიძის ინფორმაციით, ყოფილი მთავარი პროკურორი ოთარ ფარცხალაძე "ომეგა ჯგუფის" საქმეზეც დაიკითხება.

როგორც პროკურორმა აღნიშნა, "ომეგა ჯგუფის“ საქმე აქტიური ძიების პროცესშია და გამოძიების მიმდინარეობის შესახებ უწყება საზოგადოებას დეტალურ ინფორმაციას მიაწვდის. ამასთან, გაგნიძემ დაადასტურა, რომ ფარცხალაძე ხსენებულ საქმესთან დაკავშირებით დაკითხული ამ დრომდე არ არის.

"მინდა განვაცხადო დეტალურად, რომ "ომეგა ჯგუფთან" დაკავშირებით ჩატარდება ყველა ის საჭირო საგამოძიებო მოქმედება, რომელიც უწყვეტ რეჟიმში ახლაც მიმდინარეობს. როგორც უკვე აღვნიშნე, ოთარ ფარცხალაძეს ბრალი უკვე წარდგენილი აქვს სხვა სისხლის სამართლის საქმეზე, რაზეც ახლა აქ ვიმყოფებით და რა თქმა უნდა, აღარ არსებობს კითხვის ნიშანი, რომ ოთარ ფარცხალაძე "ომეგა ჯგუფის" საქმესთან დაკავშირებითაც გამოიკითხება", - განაცხადა გაგნიძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები