„ძალები, რომლებიც ცრუ ინფორმაციის გავრცელებით ცდილობენ, შექმნან ნეგატიური ილუზია, ამას ვერასოდეს ეღირსებიან“, - ასე გამოეხმაურა პრემიერ-მინისტრი მამუკა ბახტაძე, რამდენიმე დღის წინ ჯონ ბოლტონთან დაკავშირებით გავრცელებულ დეზინფორმაციას, ე.წ fake news-ს.

მთავრობის მეთაურის შეფასებით, ამგვარი რამ ყოვლად მიუღებელია, ვინაიდან საქართველოს ეროვნული ინტერესები - უსაფრთხოება და ევროპულ და ევროატლანტიკურ სტრუქტურებში ინტეგრაცია ყველანაირ პარტიულ ინტერესზე და მით უმეტეს, არჩევნებზე მაღლა დგას.

„ჩემთვის ეს თემა შეიძლება ძალიან ემოციური იყოს, მაგრამ, დარწმუნებული ვარ, საზოგადოების დიდი ნაწილისთვისაც ემოციურია, რას კადრულობს ზოგიერთ ოპონენტი, როდესაც მსგავსი დეზინფორმაციით ავსებს სოციალურ ქსელს და მათ შორის, მედიასაშუალებებს. საქართველო მყარად დგას ევროატლანტიკური ინტეგრაციის გზაზე. აშშ-საქართველოს შორის ურთიერთობა ყველა განზომილებაში, განსაკუთრებით უსაფრთხოების ნაწილში არასოდეს ყოფილა ასეთი მაღალი დონის. შესაბამისად, ძალები, რომლებიც ცრუ ინფორმაციის გავრცელებით ცდილობენ, შექმნან ნეგატიური ილუზია, ამას ვერასოდეს ეღირსებიან", - განაცხადა მამუკა ბახტაძემ.

პრემიერ-მინისტრმა ამერიკელ მეგობრებსა და კოლეგებს გავრცელებულ fake news-თან დაკავშირებით გაკეთებული ძალიან პრინციპული განმარტებისთვის მადლობა გადაუხადა.

„ძალიან სამწუხაროა, რომ ის მეთოდები, რომლითაც ჩვენი არამეგობარი ძალები ხშირად მოქმედებენ, ასე აქტიურად აისახა საქართველოშიც. თუმცა, მინდა გავიმეორო, რომ ისინი ვერასოდეს ეღირსებიან, მიაღწიონ მიზანს. ის ფუნდამენტი, რაც ჩვენ შევქმენით, შეუქცევადია", - აღნიშნა მამუკა ბახტაძემ.

ავტორი: ,

სოციალური ქსელები

უკრაინამ ბოლო ერთი თვის განმავლობაში მესამედ დაბომბა ნავთობის საწყობი, რომელიც კრასნოდარის ოლქსა და ადიღეს საწვავს ამარაგებდა

ტრამპმა გამოაცხადა, რომ აშშ მზადაა ვენესუელაში მიწისძვრის გამო დახმარება გაუწიოს

ვენესუელაში მიწისძვრის ორი სერია მოხდა - 7.2 და 7.5 მაგნიტუდის სიმძლავრის, არიან დაღუპულები

„როსსტატის“ მონაცემებით, ბენზინის ფასების ყოველკვირეული ზრდა ბოლო 20 წლის განმავლობაში ყველაზე დიდია