შინაგან საქმეთა სამინისტროში სიძულვილით მოტივირებულ დანაშაულებზე გამომძიებელთათვის ტრენინგების პროგრამის (TAHCLE – Training Against Hate Crimes for Law Enforcement ) დანერგვის საკითხზე ეუთოს დემოკრატიული ინსტიტუტების და ადამიანის უფლებათა ოფისის, შინაგან საქმეთა სამინისტროს ადამიანის უფლებათა დაცვის, თბილისის პოლიციისა და საპატრულო პოლიციის დეპარტამენტების წარმომადგენლების სამუშაო შეხვედრა გაიმართა.

უწყების ინფორმაციით, შეხვედრის მონაწილეებმა განიხილეს სიძულვილის მოტივით ჩადენილ დანაშაულთან დაკავშირებული ეროვნული კანონმდებლობა, ასეთი კატეგორიის საქმეების გამოძიებისას არსებული გამოწვევები, სამართალდამცველების პროფესიული უნარ-ჩვევები და პრაქტიკული შესაძლებლობები.

საქართველოს შინაგან საქმეთა სამინისტროსა და ეუთოს დემოკრატიული ინსტიტუტების და ადამიანის უფლებათა ოფისს (OSCE ODIHR) შორის მიღწეული შეთანხმების საფუძველზე შემუშავდება სიძულვილით მოტივირებულ დანაშაულებზე გამომძიებელთა ტრენინგების პროგრამა (TAHCLE – Training Against Hate Crimes for Law Enforcement). პროგრამის შემუშავებაში მონაწილეობას მიიღებენ ადამიანის უფლებათა დაცვის დეპარტამენტის, შინაგან საქმეთა სამინისტროს აკადემიის მიერ, საქართველოს პროკურატურის, საქართველოს სახალხო დამცველისა და აღნიშნულ თემაზე მომუშავე არასამთავრობო ორგანიზაციების წარმომადგენლები.

შინაგან საქმეთა სამინისტროს ერთ-ერთ პრიორიტეტს წარმოადგენს დისკრიმინაციული ნიშნით და სიძულვილით მოტივირებული დანაშაულების წინააღმდეგ ეფექტიანი ბრძოლა. ამ მიზნით, აქტიურად მიმდინარეობს გამომძიებელთა სპეციალიზაციის პროცესი, რაც ტრენინგების საშუალებით გამომძიებელთა კვალიფიკაციისა და მგრძნობელობის გაზრდას ისახავს მიზნად.

(NS)

ავტორი: ,

სოციალური ქსელები

უკრაინამ ევროკავშირის €90-მილიარდიანი სასესხო პაკეტიდან პირველი €3.2 მილიარდი მიიღო

ნაძალადევის გამგეობა: სკვერში მოზარდებმა ატრაქციონი დააზიანეს, დაშავდა 1 მოზარდი

ისწავლე საზღვარგარეთ საქართველოს ბანკის სტიპენდიით - მოსწავლეებისთვის შექმნილ საერთაშორისო პროგრამაზე მიღება მალე დაიწყება

CPJ: მოვუწოდებთ ოცნებას, შეწყვიტოს ფორმულას წინააღმდეგ სისხლის სამართლის საქმის გამოძიება