გიორგი ვაშაძე: ხელისუფლება ფულის შოვნაზეა გადასული

2018-10-22 13:32:56, 1799 ნახვა

პოლიტიკა

გაერთიანებული ოპოზიცია ხელისუფლების წარმომადგენლების შემოსავლების გამოძიებას მოითხოვს.

როგორც მოძრაობა "ძალა ერთობაშიას" წარმომადგენელმა გიორგი ვაშაძემ განაცხადა, ქვეყანა უკიდურესად მძიმე მდგომარეობაშია.

"ჩვენ ძალიან ხშირად ვსვამთ ხოლმე კითხვას: რატომ არ ვითარდება ქვეყანა, რატომ არაფერს აკეთებს ხელისუფლება, რატომ არ ზრუნავს ხალხის პრობლემებზე; სამწუხაროა, მაგრამ ჩვენ კიდევ ერთხელ ვნახეთ ბოლო დღეების განმავლობაში, ის დამადასტურებელი ფაქტი თუ რატომ არაფერს არ აკეთებენ ეს ადამიანები. ისინი გადასული არიან ფულის შოვნასა და კორუფციული სქემების აგებაზე და რაც ყველაზე მთავარია, ისინი ამ გზით უზარმაზარ ქონებას აგროვებენ. მათ ააშენეს სასახლეები საკუთარი ცხოვრების უკეთსაყოფად. ნაცვლად იმისა, პროკურატურისგან გვესმოდეს, რომ ისინი გამოიძიებენ დაუსაბუთებელ ქონებას, სრული დუმილია და ეს კიდევ ერთი ნათელი დადასტურებაა, რომ საქართველო არის უკიდურესად მძიმე მდგომარეობაში", - განაცხადა გიორგი ვაშაძემ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები