აშშ–ის პრეზიდენტმა დონალდ ტრამპმა განაცხადა, რომ რუსეთთან 1987 წლის შეთანხმებიდან გასვლას გეგმავს, რომელიც საშუალო და ნაკლები სიშორის რაკეტების ლიკვიდაციას ითვალისწინებდა.

პრეზიდენტმა ასეთი გადაწყვეტილების საფუძვლად ის გარემოება დაასახელა, რომ არსებული შეთანხმება რუსეთმა დაარღვია. აშშ არ აპირებს „ამ ფაქტის მიღებას“ და გავა უმოქმედო შეთანხმებიდან.
„ჩვენ ამ იარაღის შექმნა მოგვიწევს“, – განაცხადა დონალდ ტრამპმა.

საქმე ეხება 1987 წელს აშშ-სა და საბჭოთა კავშირს შორის დადებულ შეთანხმებას, რომლის მიხედვითაც მხარეები, 500-5500 კმ-მდე დისტანციაზე მოქმედი ბირთვული რაკეტების ლიკვიდაციაზე შეთანხმდნენ.

ხელშეკრულებას რონალდ რეიგანმა და მიხეილ გორბაჩოვმა მოაწერეს ხელი. ამ შეთანხმების საფუძველზე 2700-ზე მეტი რაკეტის განადგურება მოხერხდა.

როგორც Fox News-თან ინტერვიუში ტრამპი განმარტავს, რუსეთი საშუალო და მცირე მანძილზე მოქმედი რაკეტების ლიკვიდაციის შესახებ შეთანხმებას ჯერ კიდევ ობამას პრეზიდენტობის პერიოდიდან არ ასრულებდა.

„წარმოდგენა არ მაქვს, თუ რატომ არ აწარმოებდა ამ საკითხზე მოლაპარაკებებს ობამა ან რატომ არ გამოვიდა ამ შეთანხმებიდან. ჩვენ არ მივცემთ რუსეთს უფლებას, შეთანხმება დაარღვიოს. რუსეთი შეთანხმებას არღვევდა, ამიტომ, სამწუხაროდ, ჩვენ მისი შეწყვეტა და შეთანხმებიდან გასვლა მოგვიწევს“, – განაცხადა ტრამპმა.

ავტორი: ,

სოციალური ქსელები

კიდევ ხუთმა რეგიონში დაიწყო მამაკაცების დაკავება იძულებითი გაწვევისთვის

ნატოს თვითმფრინავებმა კალინინგრადის მახლობლად ოპერაცია ჩაატარეს

სუს: 2025 წლის 17 აგვისტოს სოფელ პერევის მიმდებარედ უკანონოდ დაკავებული საქართველოს მოქალაქე თავისუფალია

პუტინი: ჩვენს ინფრასტრუქტურაზე კიევის იერიშები ზიანს იწვევს, თუმცა ეს კრიტიკული ვერ იქნება