"რუსეთი ევროსაბჭოში შანტაჟის გზით ვერ დაბრუნდება", - ასე ეხმაურება საგარეო ურთიერთობათა კომიტეტის თავმჯდომარის მოადგილე ნინო გოგუაძე ევროსაბჭოში რუსეთის დაბრუნების საკითხის ირგვლივ მიმდინარე განხილვებს.

„რუსეთს ევროსაბჭოში ხმის უფლება შეუჩერდა ყირიმის ანექსიის გამო და მას შემდეგ არათუ შეცვალა თავისი დამპყრობლური პოლიტიკა მეზობელი ქვეყნების მიმართ, არამედ გააუარესა. საქართველოში ისევე როგორც უკრაინაში ყოველდღიურად ვხედავთ რუსეთის ოკუპაციის შედეგებს.

რუსეთმა მის მიმართ გამოყენებული სანქციების მოხსნისთვის ყველაზე სამარცხვინო გზა აირჩია - ეს არის შანტაჟის გზა. მას სურს უპირობოდ, ევროსაბჭოს წლების მანძილზე დადგენილი პრინციპების უგულებელყოფით დაბრუნდეს ხმის უფლებით ასამბლეაში, წინააღმდეგ შემთხვევაში ევროსაბჭოს დატოვებით იმუქრება.

ნამდვილად მჯერა რომ ევროპის ქვეყნები კარგად აცნობიერებენ როგორი მძიმე შედეგის მომტანი შეიძლება იყოს ევროსაბჭოსთვის რუსეთთან რაიმე მსგავს კომპრომისზე წასვლა და მეზობელი ქვეყნების მიმართ მის აგრესიაზე თვალის დახუჭვა. იმედი მაქვს, რომ ევროპის ქვეყნების პოზიცია  ძალიან პრინციპული იქნება რუსეთის მხრიდან შანტაჟის ამ მცდელობაზე", - განაცხადა ნინო გოგუაძემ

ავტორი: ,

სოციალური ქსელები

ზელენსკი: ვიშნევეში იარაღის საწყობების განთავსებისთვის პასუხისმგებელი პირები დაისჯებიან

იოსებ სიგუამ თანამდებობა დატოვა და ცილისწამებისთვის ჩივილს აპირებს

იძალადეს არასრულწლოვანსა და მის ოჯახის წევრზე, მოზარდი დაჭრეს - დაკავებულია 3 პირი

უკრაინამ აზოვის ზღვაში 21 რუსული ტანკერის განადგურების შესახებ განაცხადა