ბრიტანეთმა რუსეთი კიბერთავდასხმების ორგანიზებაში დაადანაშაულა

2018-10-04 13:22:48, 3685 ნახვა

მსოფლიო

დიდი ბრიტანეთის საგარეო საქმეთა სამინისტრომ რუსეთი კიბერთავდასხმების ორგანიზებაში დაადანაშაულა, - ამის შესახებ The Guardian იუწყება.

როგორც საგარეო საქმეთა მინისტრმა ჯერემი ჰანტმა განაცხადა, რუსეთის სპეცსამსახურებმა "უგუნური" თავდასხმები მოაწყვეს ბრიტანული ინსტიტუტების, კომპანიებისა და სპორტული ორგანიზაციების წინააღმდეგ მთელ მსოფლიოში. მანვე დასძინა, რომ ამ ტიპის თავდასხმებმა ქვეყანას მილიონობით ფუნტი სტერლინგის ზარალი მოუტანა. ჰანტერის მტკიცებით, კრემლის დავალებით კიბერთავდასხმები ამერიკის შეერთებული შტატების დემოკრატიული პარტიის სათაო ოფისზეც განხორციელდა.

საგარეო საქმეთა მინისტრის განცხადებით, ეროვნული კიბერ უსაფრთხოების ცენტრმა დაადგინა, რომ კონკრეტული ჰაკერები, რომლებმაც თავდასხმები განახორციელეს, კრემლის დავალებით მოქმედებდნენ.

მისივე თქმით, საქმეში რუსეთის სამხედრო დაზვერვის თანამშრომლები იყვნენ ჩართული.

აღსანიშნავია, რომ დიპლომატმა სოლსბერიში მომხდარი ინციდენტიც გაიხსნა და ოფიციალური მოსკოვი რუსეთის ყოფილი აგენტის სერგეი სკრიპალისა და მისი ქალიშვილის მოწამლვაში ისევ დაადანაშაულა.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები