ბათუმის საქალაქო სასამართლომ, სრულად გაიზიარა ბრალდების მხარის მიერ წარდგენილი მტკიცებულებები და შეზღუდული შესაძლებლობის მქონე დედის მიმართ განხორციელებულ ძალადობაში ბრალდებული კ.კ. დამნაშავედ ცნო.

პროკურატურის ინფორმაციით, სასამართლოში წარდგენილი მტკიცებულებებით დადასტურდა, რომ 2018 წლის 4 მაისს,  განზრახი დანაშაულისთვის პირობითი მსჯავრის ქვეშ მყოფმა კ.კ.-მ ურთიერთშელაპარაკების ნიადაგზე, შეზღუდული შესაძლებლობის მქონე დედას -მ.კ.-ს ზურგის არეში ფეხი დაარტყა, რის შედეგადაც დაზარალებული ძირს დავარდა და ხელისა და ფეხის არეში დაზიანებები მიიღო.

"სამართალდამცველებმა კ.კ. იმავე დღეს დააკავეს. მას ბრალდება საქართველოს სისხლის სამართლის კოდექსის 1261-ე მუხლის მეორე ნაწილის ,,ა'' ქვეპუნქტით (ოჯახში ძალადობა, შეზღუდული შესაძლებლობის მქონე პირის მიმართ) წარედგინა და აღკვეთის ღონისძიების სახით პატიმრობა შეეფარდა.

ბათუმის საქალაქო სასამართლომ კ.კ. დამნაშავედ ცნო წარდგენილ ბრალდებაში და განაჩენთა ერთობლიობით, სასჯელის სახედ და ზომად  4 თვით თავისუფლების აღკვეთა და 250 საათი საზოგადოებისთვის სასარგებლო შრომა განუსაზღვრა", - ნათქვამია პროკურატურის განცხადებაში.

ავტორი: ,

სოციალური ქსელები

Reuters: უკრაინის თავდასხმის შედეგად, მოსკოვის ნავთობქარხანა წელს ვეღარ იმუშავებს

Rádio Caracol: ვენესუელაში მიწისძვრამ უზარმაზარი ზიანი მიაყენა

რუმინეთის პარლამენტის ქვედა პალატამ მოლდოვასთან გაერთიანების შესახებ კანონი დაამტკიცა

ტრამპმა ზელენსკი შეაქო: „ის საკმაოდ კარგ საქმეს აკეთებს“.