ფოფხაძის შეფასებით, ნაფიცი მსაჯულები ხელმძღვანელობენ არა კანონით, არამედ ემოციებით

2015-06-08 15:05:45, 584 ნახვა

სამართალი

საპარლამენტო უმრავლესობის წევრის გედევან ფოფხაძის შეფასებით, ნაფიცი მსაჯულები სამართლიან მართლმსაჯულებას არ ახორციელებენ.
მისივე თქმით, ნაფიცი მსაჯულები ხელმძღვანელობენ არა კანონით, გონებით, არამედ ემოციებით.
„მართლმსაჯულება ეს არის ძალიან დიდი პასუხისმგებლობა. არ შეიძლება დაეფუძნოს მარტო ემოციას და ის კარგად უნდა ჰქონდეს ადამიანს გააზრებული. სასჯელის გარდუვალობის პრინციპის იგნორირება ნაფიცი მსაჯულისთვის უფრო იოლია, ვიდრე მოსამართლისთვის. მოსამართლეს უფრო კარგად აქვს გათავისებული რას ნიშნავს დამნაშავის, რომელმაც ძალიან მძიმე დანაშაული ჩაიდინა, გათავისუფლება“,-აღნიშნა გედევან ფოფხაძემ.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან