„არ უნდა გვემუქრებოდნენ სანქციებით, რადგან ჩვენ არაფერ შუაში ვართ“, - ამის შესახებ რუსეთის ფედერაციის პრეზიდენტმა ვლადიმერ პუტინმა აღმოსავლეთ უკრაინის რეგიონებში შექმნილ ვითარებასთან დაკავშირებით  გაზეთ „კორიერე დელა სერასთან“ ინტერვიუში განაცხადა. 
როგორც პუტინმა აღნიშნა,  რუსეთი ყველაფერს გააკეთებს იმისთვის, რომ მინსკის შეთანხმება შესრულდეს. 
"მინდა ხაზგასმით აღვნიშნო, რომ რუსეთი დაინტერესებულია და შეეცდება, უზრუნველყოს მინსკის შეთანხმების სრული და უპირობო იმპლემენტაცია. დარწმუნებული ვარ, რომ დღეს ამ კრიზისის გადაჭრის სხვა გზა არ არსებობს. პრობლემა ისაა, რომ კიევის ამჟამინდელ ხელისუფლებას აღმოსავლეთ რეგიონების წარმომადგენლებთან მოლაპარაკების მაგიდასთან დაჯდომაც კი არ უნდა და ამ შემთხვევაში ჩვენ ვერაფერს ვიზამთ. ამ სიტუაციაში გავლენის მოხდენა მხოლოდ ჩვენს ევროპელ და ამერიკელ პარტნიორებს შეუძლიათ. ჩვენ არ უნდა გვემუქრებოდნენ სანქციებით, რადგან ჩვენ არაფერ შუაში ვართ,“ - განაცხადა ვლადიმერ პუტინმა.

ავტორი: ირაკლი მანაგაძე , ექსპრესნიუსის რეპორტიორი 2009 წლიდან

სოციალური ქსელები

გებელსიადა ComCom-ში საბჭოთა ცენზურის დაცვით

„ქართული ოცნების“ გამოცხადებული ღალატის ქრონიკა

კობახიძემ შპს „სოლიდუსს“ სამი თვით გაუგრძელდა ოკუპირებულ ტერიტორიაზე საქმიანობისთვის სპეციალური თანხმობის მოქმედება

ერთ-ერთი კომპანია, რომელმაც ოკუპირებულ აფხაზეთში ბენზინი შეიტანა „სოლიდუსია“ მისი მფლობელი გიორგი არველაძეა