ბრაზილიის ეროვნულ მუზეუმში ხანძრის შედეგად 20 მილიონი ექსპონატი განადგურდა (ვიდეო)

2018-09-03 11:33:17, 3578 ნახვა

მსოფლიო

ბრაზილიაში, რიო-დე-ჟანეიროს ეროვნული მუზეუმი დაიწვა, - ამის შესახებ BBC იუწყება.

მედია საშუალების ინფორმაციით, მილიონობით ექსპონატი, არქეოლოგიური მასალა, ხელოვნების ნიმუშები და დოკუმენტები განადურებულია.

მედიის ცნობით, ხანძრის შედეგად არავინ დაშავებულა. მუზეუმში დაცული იყო 20 მილიონი არტეფაქტი.

როგორც BBC იტყობინება, მუზეუმში 20 მილიონი იშვიათი ექსპონატი იყო განთავსებული. საგამოფენო სივრცეში წარმოდგენილი იყო სამხრეთ და ჩრდილო ამერიკის მცენარეების, მინერალების, ცხოველების, მუმიებისა და ინდური ჭურჭლის იშვიათი ექსპონატები. ექსპოზიციაში შედიოდა დინოზავრის ჩონჩხი და 12 ათასი წლის წინანდელი თავის ქალის ძვლის ნაწილები.

მომხდარს ბრაზილიის კულტურის მინისტრი სერჟიუ სა ლეიტანი გამოეხმაურა და აღნიშნა, რომ "ეს კულტურის სფეროს უდიდესი ტრაგედიაა". მისივე თქმით, ხანძარი გულგრილობის გამო მოხდა, რადგან "წლების განმავლობაში არ იყო საკმარისი დრო და რესურსი, რათა მუზეუმი გაეუმჯობესებინათ და მსგავსი ფაქტი არ მომხდარიყო".

ცნობისთვის, წელს მუზეუმი 200 წლის იუბილეს აღნიშნავდა. ის 1818 წელს პორტუგალიელმმა მეფემ ჟუან მეექვსემ დაარსა.