პრეზიდენტი კახი კავსაძეს იუბილეს ულოცავს

2015-06-05 11:50:03, 504 ნახვა

საზოგადოება

საქართველოს პრეზიდენტი გიორგი მარგველაშვილი კახი კავსაძეს 80 წლის იუბილეს ულოცავს.

"გულითადად გილოცავთ 80 წლის იუბილეს.თითოეულ ქართველთან ერთად, მეც მეამაყება და შთამაგონებს ქვეყნისა და პროფესიისადმი თქვენი უანგარო მსახურება, ნაყოფიერი შემოქმედებითი მოღვაწეობა, ქართული კულტურის მონაპოვარი - განუმეორებელი ოსტატობით შექმნილი თეატრალური და კინო-როლები, რომლებზეც გაიზარდა და კვლავ გაიზრდება თაობები, მისაბაძი მოქალაქეობა, თავდადების ის იშვიათი ძალა, რომელიც სანიმუშოა ყველა ჩვენგანისთვის - ყველაფერი, რის გამოც ხალხის ესოდენ დიდი სიყვარული და პატივისცემა დაიმსახურეთ. კვლავ მრავალ შემოქმედებით წარმატებას, უშრეტ ენერგიასა და დღეგრძელობას გისურვებთ",-ნათქვამია პრეზიდენტის მისალოც წერილში.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან