ჰიბრიდული ომის წარმოება, ეს არის რუსული გეგმები და დეზინფორმაცია, რომლითაც რუსეთის მოსახლეობის პრაქტიკულად ზომბირება ხდება, – ამის შესახებ გერმანიის ფედერაციული რესპუბლიკის კანცლერმა, ანგელა მერკელმა თბილისის სახელმწიფო უნივერსიტეტში გამართულ შეხვედრაზე განაცხადა.

მას სტუდენტმა ჰკითხა, რა საგარეო პოლიტიკური მექანიზმი მიაჩნია ყველაზე ეფექტიანად რუსულ „რბილ ძალასთან“ გასამკლავებლად.

„რუსეთმა მიიღო გადაწყვეტილება, ასე ვთქვათ, სამხედრო დოქტრინაზე გააკეთოს აქცენტი. ჰიბრიდული ომის წარმოება, ეს რუსული გეგმები და მიზანმიმართული დეზინფორმაციაა, სადაც რუსეთის მოსახლეობის პრაქტიკულად ზომბირება, არასწორი მიმართულებით წაყვანა ხდება. ცრუ და არასწორი ინფორმაცია გერმანიაშიც ვრცელდება “, – აღნიშნა კანცლერმა.

მისივე თქმით, გერმანიაში მთავრობას საინფორმაციო მონოპოლია არ აქვს და მედია თავისუფალია.

„ჩვენ არ გვაქვს საინფორმაციო მონოპოლია. გერმანიაში მედია თავისუფალი და მრავალმხრივია. ვფიქრობ, მნიშვნელოვანია ფაქტები, ფაქტებზე ყურადღების გამახვილება, ხაზგასმა იმისა, რა არის მცდარი. ძალიან ხშირად ჭორები ვრცელდება, ძალიან ხშირად ხდება ამაზე ადეკვატური რეაგირება და ორთაბრძოლის მოგება, მაგრამ გარკვეული არგუმენტები უნდა წამოაყენო, უნდა გააბათილო, უნდა დაასაბუთო და სწორი ინფორმაცია გაავრცელო. პრიორიტეტი არის დამოუკიდებელი მასმედია, ფაქტები და ჭორების მაქსიმალურად გაბათილება“, – განაცხადა ანგელა მერკელმა.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება