„მე ვთქვი, რომ ეს არის ოკუპაცია, ოკუპირებული ტერიტორია", - ასე უპასუხა გერმანიის კანცლერმა ანგელა მერკელმა თსუ-ს სტუდენტის კითხვას ოკუპირებული აფხაზეთისა და ცხინვალის რეგიონთან დაკავშირებით.

„კითხვებზე პასუხისას ორი დღეა უკვე იყენებთ შეფასებას - „უსამართლო მდგომარეობა“, არ იყენებთ სიტყვა „ოკუპაციას“. ტერმინ „ოკუპაციასთან“ რამე პრობლემა არის თუ რატომ არ იყენებთ?", - მიმართა სტუდენტმა ანგელა მერკელს.

საპასუხოდ მერკელმა განაცხადა: "მე ვთქვი, რომ ეს არის ოკუპაცია. ჩემი პასუხი არის ის, რომ ქვეყნის 20% არის ოკუპირებული და ეს რჩება უდიდეს და უხეშ უსამართლობად“.

კანცლერის პასუხს დარბაზში აპლოდისმენტები მოჰყვა.

„გუშინ მე აღვნიშნე, რომ ტერიტორიული მთლიანობა არის წინაპირობა. მე ვსაუბრობდი უკრაინულ საზღვრებზე და აპრიორი მოიაზრება საქართველოს სახელმწიფო საზღვარი. აფხაზეთი და სამხრეთ ოსეთი არის საქართველოს განუყოფელი ნაწილი“, - აღნიშნა ანგელა მერკელმა.

ავტორი: ,

სოციალური ქსელები

ჰერჩინსკი - მსოფლიო გამოწვევებთან გამკლავებით, ევროპა მხოლოდ ძლიერდება, საქართველო მათ შორის არ არის

"თეგეტამ" Rainmaking-ისა და Startupbootcamp Georgia-ს ლიდერშიფსერიის პირველ ღონისძიებას უმასპინძლა

კახა კალაძე 4 ოქტომბრის საქმეზე მორიგ დაკავებაზე: შესაბამისი საგამოძიებო უწყებები მოწოდების სიმაღლეზე არიან, ყველამ უნდა აგოს პასუხი

კახა კალაძე ელისაშვილის განაჩენზე: როდესაც კანონს ცდები, ყოველთვის მოყვება შესაბამისი რეაგირება