„მე თუ ვერ მოვესწრები, ჩვენი მომავალი თაობა მოესწრება, დაინახავს როგორ არაადამიანურად აწამეს ჩემი შვილი და პასუხი უნდა აგონ იმათ“, - ამის შესახებ არჩილ ტატუნაშვილის დედამ, რუსუდან ტატუნაშვილმა განაცხადა.

ტატუნაშვილის ოჯახი ყველა დამნაშავის უმკაცრესად დასჯას ელოდება.

„რადგან ეს დოკუმენტაცია იგზავნება სტრასბურგში, იმედი მომეცა სიმართლის დადგენის. ჩემი შვილი აწამეს და ისინი აცხადებდნენ, რომ წამების შედეგად არაა, ბუნერივი სიკვდილით გარდაიცვალაო, თითქოს გულის შეტევით. მე თუ ვერ მოვესწრები, ჩვენი მომავალი თაობა მოესწრება, დაინახავს როგორ არაადამიანურად აწამეს ჩემი შვილი და პასუხი უნდა აგონ იმათ. აუცილებლად უნდა აგონ, არ უნდა დარჩნენ დაუსჯელები“,  - განაცხადა რუსუდან ტატუნაშვილმა.

შეგახსენებთ, რომ 22 თებერვალს, საოკუპაციო რეჟიმმა საქართველოს 3 მოქალაქე,  არჩილ ტატუნაშვილი, ლევან ქუტაშვილი და იოსებ პავლიაშვილი ახალგორში დააკავა. 23 თებერვალს კი, ცნობილი გახდა, რომ არჩილ ტატუნაშვილი გარდაიცვალა. 26 დღის შემდეგ, 20 მარტს, წითელი ჯვრის საერთაშორისო კომიტეტის მეშვეობით ოკუპირებულმა ცხინვალმა არჩილ ტატუნაშვილის ცხედარი ოჯახს გადასცა. არჩილ ტატუნაშვილი 24 მარტს მუხათგვერდის ძმათა სასაფლაოზე სამხედრო პატივით დაკრძალეს.

ავტორი: ,

სოციალური ქსელები

მოამზადე ავტომობილი საზაფხულო მოგზაურობისთვის და გაიარე მეტი "თეგეტა მოტორსთან" ერთად

საქართველოს ბანკმა Global Finance-ის საუკეთესო ციფრული ბანკების დაჯილდოებაზე 33 ჯილდო მიიღო

დაიწყე მზადება 2026 წლის საგანმანათლებლო პროგრამებისთვის და აღმოაჩინე საქართველოს ბანკის მიერ შექმნილი შესაძლებლობები

მოსკოვის შემდეგ, სანქტ-პეტერბურგმაც დააწესა შეზღუდვები ბენზინის გაყიდვაზე