„ხარვეზებს და ნაკლოვანებებს, რომელიც უსაფრთხოების კუთხით ჰქონდა კომპანიას, უახლოეს მომავალში გამოასწორებს, რის შემდეგაც ჩვენ დავსხდებით და დავილაპარაკებთ, თუ როგორ შეიძლება გაგრძელდეს აღნიშნული ბიზნეს ოპერატორის საქმიანობა“, - ამის შესახებ აჭარის ავტონომიური რესპუბლიკის მთავრობის თამვჯდომარე თორნიკე რიჟვაძემ სასტუმრო „ველმონდის" დახურვასთან დაკავშირებით განაცხადა.

როგორც მან აღნიშნა, კომპანიასთან მიღწეულ იქნა კონკრეტული შეთანხმება, რომლის მიხედვითაც, დასაქმებული პირები სამუშაო ადგილს და ხელფასს შეინარჩუნებენ.

„უსაფრთხოების ნორმები უმთავრესია. შესაბამისად, აჭარის ავტონომიური რესპუბლიკის მთავრობა, შესაბამის უწყებებთან ერთად, საგანგებო სიტუაციების მართვის სამსახურთან ერთად, ჩართული იყო ამ პროცესში. მიღწეულ იქნა კონკრეტული შეთანხმება, რომლის მიხედვითაც დასაქმებული პირები შეინარჩუნებენ სამუშაო ადგილს და ასევე ხელფასს. რაც შეეხება იმ ხარვეზებს და ნაკლოვანებებს, რომელიც უსაფრთხოების კუთხით ჰქონდა კომპანიას, უახლოეს მომავალში გამოასწორებს, რის შემდეგაც ჩვენ დავსხდებით და დავილაპარაკებთ, თუ როგორ შეიძლება გაგრძელდეს აღნიშნული ბიზნეს ოპერატორის საქმიანობა", - აცხადებს თორნიკე რიჟვაძე.

მისივე თქმით, აჭარის ტურიზმის დეპარტამენტი იყო აქტიურად ჩართული და ძალიან ეფექტურად, მოკლე ვადებში მოხდა ჩვენი ვიზიტორების გადაყვანა სხვადასხვა სასტუმროში.

საგანგებო სიტუაციათა მართვის სამსახურის მოთხოვნისა და სასამართლოს გადაწყვეტილების  საფუძველზე,  სასტუმრო „ველმონდი"(ყოფილი „ლეოგრანდი") დღეს, 18:00 საათზე დაიხურება. როგორც აჭარის მთავრობასა და საგანგებო სიტუაციათა მართვის სამსახურში აცხადებენ, სასტუმრო ფუნქციონირებას სახანძრო უსაფრთხოების ნორმების დააკმაყოფილებისთანავე  დაიწყებს.

(NS)

ავტორი: ,

სოციალური ქსელები

პუტინს აცნობეს ბენზინის წარმოების სწრაფად გაზრდის შეუძლებლობის შესახებ

რუბიო: აშშ ირანისა და ლიბანის მოლაპარაკებებს ერთმანეთისგან მიჯნავს, თუმცა „ირანის ფაქტორს“ აღიარებს

ხოშტარიას მკურნალობაში მისი მკურნალი რევმატოლოგი ჩაერთვება და გასინჯავს

პუტინი გაგლოევს: ოსებს შეუძლიათ იამაყონ თავიანთი წინაპრებით