სასოფლო-სამეურნეო კოოპერატივების განვითარების სააგენტოს თავმჯდომარე გიორგი მიშელაძე ადიგენის მუნიციპალიტეტში მოქმედი სასოფლო-სამეურნეო კოოპერატივების „იმედისა“ და „დერცელი ნობათის“ რძის გადამამუშავებელი კოოპერაციული საწარმოების  საქმიანობას გაეცნო.

გარემოს დაცვისა და სოფლის მეურნეობის სამინისტროს ინფორმაციით, სასოფლო-სამეურნეო კოოპერატივები „იმედი“  და „დერცელის ნობათი“, რომელშიც 33 ადგილობრივია გაერთიანებული, ადიგენის მუნიციპალიტეტის სოფლებში მოხესა და დერცელში საქმიანობს. რძის გადამამუშავებელი  კოოპერაციული საწარმოები  მესხეთის ქედის სამხრეთ კალთაზე ზღვის დონიდან 1500 მეტრზე ფუნქციონირებს.

 2017 წელს  მათ „რძის მწარმოებელი სასოფლო-სამეურნეო კოოპერატივების მხრადაჭერის“ სახელმწიფო პროგრამის ფარგლებში გადაეცათ რძის მიმღებ-გადამამუშავებელი აღჭურვილობა და  ნედლი რძის კონტროლის საველე ლაბორატორიული ხელსაწყოები.  ასევე მიიღეს  მსხვილფეხა რქოსანი პირუტყვის ჯიშობრივი გაუმჯობესებისა და პროდუქტიულობის ამაღლების მიზნით  ხელოვნური განაყოფიერებისათვის საჭირო აღჭურვილობა.   სასოფლო-სამეურნეო კოოპერატივების მხრიდან  თანადაფინანსებას წარმოადგენდა საწარმოს შენობა-ნაგებობის აშენება, რომელშიც განთავსდა კაპიტალური ინვესტირების ფარგლებში გადაცემული დანადგარები.

სასოფლო-სამეურეო კოოპერატივების განვითარების სააგენტოს თავმჯდომარის გიორგი მიშელაძის განცხადებით, სასოფლო-სამეურნეო კოოპერატივების მხარდამჭერ სხვადასხვა სახელმწიფო პროგრამებში მნიშვნელოვანია მაღალმთიან რეგიონებში მოქმედი კოოპერატივების მხარდაჭერა, მით უფრო როდესაც  კოოპერატივებში გაერთიანებული თითოეული მეპაიისათვის უკვე ხელმისაწვდომი ხდება  კოოპერაციის შედეგად გაზრდილი შემოსავალი.

„რძის მწარმოებელი სასოფლო-სამეურნეო კოოპერატივების მხრადაჭერის“ სახელმწიფო პროგრამის ფარგლებში მიდინარე წელს  13 ახალი საწარმო აშენდება

(NS)

ავტორი: ,

სოციალური ქსელები

ერდოღანის რეჟიმმა თურქული კინოს ვარსკვლევები, მომღერლები და ოპოზიციონერების შვილებიც დააკავა

უკრაინის 19 მოქალაქე შველას ითხოვს, ისინი დარიალის გამშვებ პუნქტში გაუსაძლის მდგომარეობაში არიან

საქართველოში კრიპტოვალუტის გათეთრების საერთაშორისო საქმეზე ამერიკელმა, პოლონელმა და ქართველმა სამართალდამცველებმა ფართომასშტაბიანი სპეცოპერაცია ჩაატარეს

საწვავის ფასების ზრდა, საქართველოში, ინფლაციის ერთ-ერთ მთავარ ფაქტორად რჩება