ათი ოპოზიციური პარტიის გაერთიანება „ძალა ერთობაშიას“ კანდიდატი საპრეზიდენტო არჩევნებში „ერთიანი ნაციონალური მოძრაობის“ პოლიტსაბჭოს წევრი გრიგოლ ვაშაძე იქნება. ვაშაძე კანდიდატად პარტიებმა ქუთაისში, ბაგრატის ტაძრის ეზოში წარადგინეს.

ოპოზიციური პარტიების წევრების განცხადებით, ბაგრატის ტაძარი შეირჩა, როგორც გაერთიანებული და ძლიერი საქართველოს სიმბოლო. გრიგოლ ვაშაძემ პარტიებს ნდობისთვის მადლობა გადაუხადა და სამოქმედო გეგმებზე ისაუბრა. მისი თქმით, პირველი ნაბიჯი თანხმობისკენ გადადგმულია და ის ბევრს შემატებს ქვეყნის აღმშენებლობას.

მოძრაობა "ძალა ერთობაშია" თაკო ჩარკვიანმა გახსნა ქუთაისში. მისი თქმით, მას არანაირი ემოციური გადაწყვეტილება არ მიუღია, გაიაზრა და ისე დადგა ამ გაერთიანების გვერდით. 
"აღარ არის ეს ხვეწნა, მუდარა, რომ სწრაფად გვინდა, ჩქარა გვინდა, საცოდაოება გვჭირს....ეს იყო ერთ-ერთი უპირველესი, რის გამოც მე ამ ადამიანში დავინახე, რომ ძალიან სტაბილური კურსის მატარებელია, მე ვაძლევ ხმას უბრწყინვალეს პიროვნებას, უმაღლესი რანგის დიპლომატს, გრიგოლ ვაშაძეს. - განაცხადა თაკო ჩარკვიანმა.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს