„ღია მმართველობის პარტნიორობის" მსოფლიო სამიტის წინ „OGP"-ის მმართველი კომიტეტი მაღალი დონის შეხვედრაზე შეიკრიბა. ღონისძიებას 13 წევრი ქვეყნის მთავრობისა და 13 ავტორიტეტული არასამთავრობო ორგანიზაციის წარმომადგენლები ესწრებოდნენ. სხდომას საქართველოს იუსტიციის მინისტრი თეა წულუკიანი და მმართველი კომიტეტის თანათავმჯდომარე სამოქალაქო სექტორიდან მუკელანი დიმბა უძღვებოდნენ.

საქართველოს მთავრობამ „ღია მმართველობის პარტნიორობის" მმართველ კომიტეტს რეზოლუციის პროექტი შესთავაზა, რომელიც ნათლად აყალიბებს ღია მმართველობის პრინციპებს და იმ მიდგომებს, რომლებიც დემოკრატიული განვითარების, ანგარიშვალდებულებისა და გამჭვირვალე მმართველობის წინაპირობებია. დოკუმენტი სხდომის მონაწილეებმა ერთხმად დაამტკიცეს.

ღონისძიებაზე იმ გამოწვევების შესახებაც იმსჯელეს, რომლებიც ღია მმართველობის პროცესში მსოფლიოს ქვეყნებში არსებობს. „OGP"-ის მმართველმა კომიტეტმა ამ გამოწვევების საპასუხოდ  კონკრეტული ხედვა ჩამოაყალიბეს. შეხვედრის მონაწილეები „ღია მმართველობის პარტნიორობის" მომდევნო თანათავმჯდომარეების - კანადის მთავრობისა და სამოქალაქო საზოგადოების მხრიდან თანათავმჯდომარე ნათანიელ ჰელერის - პოზიციებსაც გაეცნენ პარტნიორობის სამომავლო გეგმების შესახებ.

მმართველი კომიტეტის მაღალი დონის შეხვედრაზე იმსჯელეს „ღია მმართველობის პარტნიორობის" უმნიშვნელოვანეს მოვლენაზეც − „OGP"-ის მსოფლიო სამიტზე, რომელიც ხვალ თბილისში საზეიმოდ გაიხსნება. სამიტის სტუმრები − მონაწილე ქვეყნების დელეგაციები, უკვე თბილისში არიან. 70-ზე მეტი სახელმწიფოს დელეგაცია ესტუმრა საქართველოს, როგორც „OGP"-ის მმართველი კომიტეტის თავმჯდომარეს და მსოფლიო სამიტის მასპინძელ ქვეყანას, „ღია მმართველობის პარტნიორობის" უმნიშვნელოვანეს ღონისძიებაში მონაწილეობის მისაღებად. მაღალი რანგის სტუმრებს შორის არიან სახელმწიფოს მეთაურები, მთავრობის წევრები, ავტორიტეტული საერთაშორისო მისიების ხელმძღვანელები. სტუმრებს იუსტიციის სამინისტრო მასპინძლობს როგორც ღია მმართველობის პროცესის წარმმართველი უწყება. „OGP"-ის ფორმატში გამართულ ღონისძიებებში ჩვენს ქვეყანას იუსტიციის სამინისტრო წარმოადგენს, მმართველ კომიტეტში კი, საქართველოს წარმომადგენელი  იუსტიციის მინისტრი თეა წულუკიანია.

(NS)

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს