„ჩვენ მოგვიწია ჩვენი მშვიდობიანი ახალგაზრდებისთვის და მოქალაქეებისთვის გარკვეული დისკომფორტის შექმნა - მხოლოდ და მხოლოდ ამისთვის მოვიხადე ბოდიში”, - ამის შესახებ შინაგან საქმეთა მინისტრობის კანდიდატმა გიორგი გახარიამ განაცხადა.

ამასთან, როგორც გახარიამ აღნიშნა, პოლიციის უფლებამოსილების განხორციელებას ვერავინ შეზღუდავს.

"ეს იყო სპეციალური საპოლიციო ღონისძიება, ეფექტური და წარმატებული. რომლის დროსაც 8 ნარკორეალიზატორი იყო დაკავებული, მათი გარკვეული ნაწილი უკვე თანამშრომლობს გამოძიებასთან და სხვათა შორის, ძალიან საინტერესო ჩვენებებს იძლევიან. მე მათ წინაშე ბოდიში არ მომიხდია, არც ვაპირებ და არც არასდროს არ მოვიხდი. უბრალოდ, ამ სპეციალური ღონისძიების ჩატარების პროცესში, ჩვენ მოგვიწია ჩვენი მშვიდობიანი ახალგაზრდებისთვის და მოქალაქეებისთვის გარკვეული დისკომფორტის შექმნა. მხოლოდ და მხოლოდ ამისთვის მოვიხადე ბოდიში და იქვე აღვნიშნე, რომ ვერასდროს და ვერავინ პოლიციის უფლებამოსილების განხორციელებას ვერანაირად შეზღუდავს, ვერც დროში და ვერც გეოგრაფიაში, თუ ჩვენ გვექნება დადასტურებული ინფორმაცია, რომ არსებობს რისკი ჩვენი მოქალაქეების სიცოცხლის ან ჯანმრთელობისთვის", - განაცხადა გიორგი გახარიამ. 

(NS)

ავტორი: ,

სოციალური ქსელები

სახალხო დამცველმა ისაუბრა დაკავებულების გაშიშვლების, მათ შორის არასრულწლოვანთა ცემის, გაუპატიურების მუქარაზე პოლიციის მხრიდან

ყაზახეთმა და ევროკავშირმა ბრიუსელში არაერთ სტრატეგიულ დოკუმენტს მოაწერეს ხელი

სახახო დამცველმა ივანიშვილის რეჟიმის მიღებული დრაკონული და ადამიანის უფლებების შემზღუდავი კანონები გააკრიტიკა

საქართველოს ბანკის ბიზნეს 360˚-ის ფარგლებში, ქოფირაითინგის ვორკშოპი გაიმართება