ქობულია - სააკაშვილს 2007 წელს შევხვდი, რაღაც კრიზისი იყო, მერე მცხეთაში წავედით სალობიეში

2018-07-13 15:32:57, 889 ნახვა

კომენტარი

მიხეილ სააკაშვილს 2007 წელს შევხვდი, როდესაც გარკვეული კრიზისის გამო, საქართველოს ფარგლებს გარეთ მოღვაწე ეკონომისტების კომისია შეიქმნა, - ასე უპასუხა ეკონომიკის მინისტრობის კანდიდატმა გიორგი ქობულიამ საპარლამენტო უმრავლესობის წევრის, კობა ლურსმანაშვილის შეკითხვას.

ლურსამანაშვილმა მას ჰკითხა, ჰქონია თუ არა რაიმე შეხება ყოფილ პრეზიდენტ მიხეილ სააკაშვილთან და ენმ-ის წევრ რომან გოცირიძესთან.

„ბატონ მიხეილ სააკაშვილს მე შევხვდი 2007 წელს. ვინც მაშინ იყავით, შეიძლება გახსოვთ, რომ იყო ასეთი ინიციატივა - საქართველოს ფარგლებს გარეთ მოღვაწე ეკონომისტების კომისიასავით შეიქმნა და ამ ფარგლებში ვიყავი ჩამოსული, რაღაც კრიზისი იყო. მახსოვს მერე მცხეთაში წავედით სალობიეში და კარგად დამამახსოვრდა, კარგი იყო“, - განაცხადა ქობულიამ.

ცნობისთვის, პარლამენტში კომიტეტების გაერთიანებულ სხდომაზე ფინანსთა, ეკონომიკის, ინფრასტრუქტურისა და სოფლის მეურნეობის მინისტრობის კანდიდატებს უსმენენ.

Patreon P მხარი დაუჭირე "ექსპრესნიუსს" →

ავტორი: ,

სოციალური ქსელები