2018-07-09 12:40:34, 703 ნახვა

---

კაპანაძე: წულუკიანი ყველაზე წარუმატებელი მინისტრია, მაგრამ ეს არ არის შეფასების ის კრიტერიუმი, რითაც ივანიშვილი ხელმძღვანელობს

„თეა წულუკიანია ყველაზე წარუმატებელი მინისტრია, მაგრამ ეს არ არის შეფასების ის კრიტერიუმი, რითაც ბიძინა ივანიშვილი ხელმძღვანელობს“, - ამის შესახებ „ევროპული საქართველოს“ წევრმა სერგი კაპანაძემ მინისტრთა კაბინეტის შემადგენლობაში თეა წულუკიანის შესაძლო დარჩენის საკითხზე განაცხადა.

როგორც მან აღნიშნა, თუ წულუკიანი მინისტრის პოსტს შეინარჩუნებს, გადაწყვეტილება ამ შემთხვევაში არა პრემიერის, არამედ ბიძინა ივანიშვილის მიერ იქნება მიღებული.

 „ეს არის გადაწყვეტილება, რომელსაც ივანიშვილი მიიღებს. ძალიან კარგად გამოჩნდა, რომ საერთოდ არ ანაღვლებს, რას ფიქრობს საზოგადოება არცერთ თემაზე. არც წულუკიანის თემაზე და არც ზოგადად, მნიშვნელოვან საკითხებზე. რა თქმა უნდა, თეა წულუკიანია ყველაზე უფრო გამორჩეულად წარუმატებელი მინისტრი, მაგრამ როგორც ჩანს, ეს არ არის ის შეფასების კრიტერიუმი, რითაც ხელმძღვანელობს ამ შემთხვევაში ივანიშვილი. ის ხელმძღვანელობს პირადი ლოიალობით და მისადმი ერთგულებით. აქედან გამომდინარე, ალბათ ის როგორც ჩათვლის საჭიროდ, ისე იქნება გადაწყვეტილება მიღებული და არანაირი გადაწყვეტილების პროცესში მონაწილეობა ბატონ ბახტაძეს, როგორც ჩანს, არ ექნება“, -აღნიშნა სერგი კაპანაძემ.

---

ავტორი: ,

---

დღის თემა

მთავარი თემა

ინტერვიუ - ექსკლუზივი