„ვითიბი ბანკისა“ და მასტერქარდის წამახალისებელი გათამაშება დაიწყო

2015-06-01 17:22:48, 869 ნახვა

ეკონომიკა

30 მაისიდან 15 ივლისის ჩათვლით, „ვითიბი ბანკის“ მიერ გაცემული მასტერქარდის ნებისმიერი სახის ბარათის მფლობელს, შეუძლია ჩაერთოს წამახალისებელ გათამაშებაში.

ამისთვის, საჭიროა, მოცემულ პერიოდში, ანგარიშსწორება მოხდეს ვითიბი ბანკის მასტექრქარდ ბარათით. გათამაშებაში ჩართვა შესაძლებელია ონ ლაინ შესყიდვების დროსაც. საქართველოში და მის ფარგლებს გარეთ, სავაჭრო და მომსახურების ობიექტებში, მასტერქარდით განხორციელებულ თითოეულ ტრანზაქციას მოგების შანსი აქვს.

გათამაშება შედგება 27 ივლისს, გამარჯვებულს გადაეცემა 2015 წლის უეფას სუპერ თასზე დასასწრები 2 ბილეთი. ერთი ბილეთი განკუთვნილია სრულწლოვანი პირისთვის, მეორე კი თანხმლები მცირეწლოვანი ბავშვისთვის, რომელსაც ეძლევა უნიკალური შესაძლებლობა დადგეს მსოფლიოში ცნობილ ფეხბურთელებთან საფეხბურთო მოედანზე.

მასტერქარდის გათამაშებაში მონაწილეობის მისაღებად საკმარისია: ფლობდეთ ვითიბი ბანკის მიერ ემიტირებულ მასტერქარდის ნებისმიერი სახის ბარათს; 30 მაისიდან 15 ივლისის ჩათვლით გაატაროთ მასტერქარდის ბარათი საქართველოსა და საზღვარგარეთ სავაჭრო და მომსახურების ობიექტების პოს-ტერმინალებში და ონლაინ შესყიდვების დროს; განახორციელოთ ტრანზაქცია ნებისმიერ თანხაზე.

Patreon P მხარი დაუჭირე "ექსპრესნიუსს" →

ავტორი: ირაკლი მანაგაძე , ექსპრესნიუსის რეპორტიორი 2009 წლიდან