საქართველოს პრემიერ-მინისტრი მამუკა ბახტაძე დარწმუნებულია, რომ საქართველოს მიერ რეფორმებით მიღწეულ პროგრესს ნატოს სამიტზე პარტნიორი ქვეყნები ჯეროვნად დააფასებენ, - ამის შესახებ პრემიერმა უშიშროების საბჭოს სხდომის დასრულების შემდეგ, ჟურნალისტებთან საუბრისას განაცხადა.

უშიშროების საბჭოს დღევანდელ სხდომაზე ნატო-ს ბრიუსელის 11-12 ივლისის სამიტისთვის მზადების პროცესში კოორდინაციასთან დაკავშირებული საკითხები და ქვეყნის თავდაცვის სფეროში მიმდინარე რეფორმების პროგრესი განიხილეს.

როგორც მამუკა ბახტაძემ აღნიშნა, ნატო-საქართველოს ურთიერთობაში პირველად, ბრიუსელის სამიტის ფარგლებში, არაწევრი ქვეყნების ფორმატში საქართველო ორ ძალიან მნიშვნელოვან შეხვედრაში მიიღებს მონაწილეობას.

„ეს არის პირველი შემთხვევა საქართველოსა და ნატოს ურთიერთობაში, როდესაც საქართველო ამ ფორმატებს ესწრება. ამავე დროს, ამ ფორმატს დაესწრება ნატოს ყველა წევრი ქვეყანა ლიდერების დონეზე. ეს არის პირველი შემთხვევა და კიდევ ერთი მნიშვნელოვანი აღნიშვნა იმ ფაქტისა, რომ საქართველოსა და ნატოს ურთიერთობა გადავიდა ახალ ეტაპზე. ძალიან სასიხარულოა ის ფაქტი, რომ ასევე პირველად, საქართველოს თემატიკა ცალკე ფორმატში განიხილება. ეს ძალიან მნიშვნელოვანია და მინდა, ჩვენს ყველა მეგობარ ქვეყანას გადავუხადო მადლობა, რომ აღნიშნული ფორმატი შედგა. ჩვენ გვაქვს საკმაოდ პოზიტიური მოლოდინები ბრიუსელის სამიტიდან",- განაცხადა პრემიერ-მინისტრმა.

მამუკა ბახტაძემ ძალიან აქტიური მუშაობისთვის საქართველოს დიპლომატიურ კორპუსსა და თავდაცვის სამინისტროს მადლობა გადაუხადა.

„ვფიქრობ, შემუშავებული დღის წესრიგი ნათლად ასახავს იმ ძალიან მნიშვნელოვან პროგრესს, რასაც ჩვენ მივაღწიეთ ბოლო წლების განმავლობაში გატარებული რეფორმებით. დარწმუნებული ვარ, ჩვენი პარტნიორი ქვეყნები ამას ჯეროვნად დააფასებენ", - აღნიშნა მამუკა ბახტაძემ.

ავტორი: ,

სოციალური ქსელები

SJP-მ ფორმულას, ტვ პირველისა და პუბლიკას საქმეებზე განგაშის სიგნალი ჩართო

ცაგერის საკრებულოს დეპუტატი „ქურდული სამყაროს“ მხარდაჭერის ბრალდებით დააკავეს

მარეგულირებელი კომისიის მიერ ტვ პირველისთვის დაკისრებული სანქციის გამო, ევროსაბჭომ განგაში გამოაცხადა

ე.წ. ქურდული გარჩევების საქმეზე დაკავებული ლალო გველესიანი და სხვა პირები პატიმრობაში გაუშვეს